Lýsing

Skjótt gloyma tey, Aksel og Siri

SKRIVAÐ: Jenis av Rana  |  28.07.2020 - 08:45 Politikkur Tíðindaskriv

At fyrrverandi løgmaður gevur ilt av sær, tí samgongan fer at lata upp sendistovu í Ísrael, er einki nýtt. Hetta hevur hann leikað í um, síðani vit fyrstu ferð boðaðu frá henni.

Eg krimpi tó tærnar, tá eg lesið grundgevingarnar. Hesar eru m.a., at sendistovan fer at taka pening frá heilsuverkinum og ”eini ørgrynnu av øðrum økjum”, sum hann nevnir.

Hetta sigur maðurin, sum hevði evstu ábyrgdina av, at Glasir og H-bygningingurin á LS kostaðu yvir 400 mió. kr. meira enn játtað var. Tvs. at hesin, sum loyvdi at 400.000.000 krónur íalt vóru brúktar ov nógv, grætur krokudillutár yvir ísraelsku sendistovuna, sum, eins og hinar 6 sendistovurnar (íroknaða ta kinesisku, sum farna samgonga stovnsetti), fer at kosta 4 mió. um árið. Botnfrekur roynir hann at fáa føroyingin at gloyma peningaoyðslið og meirnýtsluna undir farnu samgongu, sum, bert á hesum báðum kontum, kundi fíggjað ein heilan hóp av sendistovum, eina rúgvu av serlæknum, allar útbúgvingarlæknanar Føroyum tørvarog heilsu,- røktar og útbúgvingarstarvsfólk í hópatali- um bert farna samgonguleiðsla hevði røkt sína efirlitsskyldu! 

Núverandi samgonga, tá í andstøðu, ávarðaði aftur og aftur um viðurskiftini á Glasir, men fyri deyvum oyrum. Ístaðin fyri at lurta eftir, vardi Aksel peningaoyðslið og ørskapin, og lat hendan halda fram, bæði á Glasir og í H-bygninginum á Landssjúkrahúsinum.

Umframt krokudillutárini hjá Aksel, er táverandi landsstýriskvinnan í heilsumálum nú eisini farin upp í krokudillutárakórið, ístaðin fyri at drípa høvur í eyðmjúkleika og skomm.

Meiri eyðmjúkleiki og minni dupultspæl og roynd at manipulera føroya fólk hevði klætt Aksel, fyrrverandi løgmanni, og landsstýriskvinnuni.

 

Jenis av Rana

 

Lýsing
Seinastu tíðindini
KÍ vann ársins størsta sigur
Avmarkað ansingartilboðum á dagstovnaøki…
Støðan er sera álvarsom: Metnógvir tilbu…
Ráðhúsið, dagstovnaøkið og COVID-19
Maverick Barr letur uppaftur klokkan 18:…
Svimji­høllin steingir fyribils
Útflutn­ingur til Russlands
Nýggj smidligari kanningar­skipan ávegis…
Eingin vitjan á búeindu­num í Norðoya Bú-…
Allar kanningar ikki greinaðar enn
Loooong bíðirøð á Klaksvíkar Sjúkra­húsi
Til lukku Bárður
Upptakt: EB/­Streymur-KÍ
Samandráttur av tíðindafundi­num kl. 15
Nýggi blokkurin hjá Norðborg verið kring…
Tey pota óført á Sjúkra­húsinum
Alt útsett, undantikið Betri Deildin men…
Tað verður bygt í hvørjum skoti
3 mió. til trygdarútgerð Norður um Fjall…
14 nýggir koronatilburðir