KÍ møtir botnliðnum Skála á Skála í dag. Talan er um ein serligan dyst fyri Skála, tí nýggjur venjari er settur á Skála, har Sorin Anghel hevur avloyst Bill M. Jacobsen. Skála hevur undan hesum dystinum bara eitt stig. KÍ má vinna dystin fyri at hanga í HB, sum er fimm stig frammanfyri. Hjá KÍ er Heini Vatnsdal tøkur og møguleiki er fyri, at hann verður við frá byrjan. Málverjin Lukasz Jarosinski og miðvallarleikarin David Skrbec eru ikki tøkir vegna manglandi loyvir. Ísak Simonsen er skaddur, meðan Ole Erik Midtskogen nú er tøkur aftur eftir skaða. Boris Dosljak hevur verið burturstaddur í eina tíð og verður neyvan við hendan dystin.

Dysturin á Skála byrjar kl. 15.00. Dómari verður Kári J. á Høvdanum.