Lýsing
Upptakt: EB/Streymur-KÍ
Í kvøld skal KÍ royna at vinna sín fyrsta landskappingardyst við Margáir.
Hóast KÍ ongantíð hevur vunnið landskappingardyst við Margáir, so er KÍ útfrá stigatalvuni stórfavorittur til dystin, sum verður spældur uttan áskoðarar vegna broyttu støðuna við korona í Føroyum. Hjá EB/Streymi hava leikarar sum Arnbjørn Hansen og Petur Zachariasen ikki spælt síðstu dystirnar. Hjá KÍ spælir Ísak Simonsen neyvan vegna skaða, meðan Lukasz Jarosinski og David Skrbec enn ikki hava fingið loyvini uppá pláss. Annars eru allir leikarar tøkir, eisini Boris Dosljak, ið fyri viku síðani var uttanlands.
Dysturin við Margáir byrjar kl. 19.00. Dómari verður Rúni Olsen.
Seinastu tíðindini