Lýsing
Lýsing

Skúlagongdin byrjar varisliga í næstu viku

SKRIVAÐ: Uttanríkis- og mentamálaráðið  |  11.08.2020 - 13:33 Mentan Tíðindaskriv

Eftir ætlan byrja næmingarnir í fólkaskúlanum aftur í næstu viku, týsdagin 18. august. Skúlagongdin á miðnámsskúlunum og Vinnuháskúlanum byrjar eftir ætlan eisini í næstu viku.

Í løtuni er Uttanríkis- og mentamálaráðið saman við Undirvísingarstýrinum, skúlaleiðslunum kring landið, kommununum og Koronaráðgevingini í ferð við at fyrireika, hvussu farið verður aftur í skúla.

Tað er umráðandi, at almennu tilmælini verða fylgd, og tí verða ymiskar tillagingar gjørdar fyri at byrgja smittuspjaðing. Ítøkiliga merkja hesar tillagingar millum annað, at:

• undirvísingin verður skipað í vanligu flokkunum, og miðað verður eftir at halda allar flokkarnar atskildar, soleiðis at næmingarnir bara eru saman við næmingunum í sínum egna flokki,
• ongar stórar samkomur vera, so sum morgunsangur, og fríkorterini verða skipað øðrvísi enn vanligt,
• greiðar mannagongdir eru viðvíkjandi reinføri í skúlunum,
• foreldur verða biðin um ikki at koma inn í skúlan við teirra børnum,
• miðað verður móti, at koronakanningar verða gjørdar av lærarunum, áðrenn skúlagongdin byrjar.

Fylgt verður væl við, hvørjar heilsufakligar tilráðingar eru, og neyðug tiltøk verða sett í verk út frá hesum.

Væntast skal, at møguligar tillagingar í sambandi við skúlagongd og undirvísing verða gjørdar, alt eftir, hvar koronasmittan ger um seg. Um til dømis nógv smitta ger um seg á einum ávísum stað, skal skúlin á staðnum ella ávísur flokkur hava møguleika at tillaga skúlagongdina. Hetta fyri at tryggja góða undirvísing og samstundis at forða fyri smittusjaðing.

Lýsing
Seinastu tíðindini
Hetta sigur Odmar Færø um skaðan
Abubakar Ibrahim Aliyu spælir ikki við K…
Trupulleikar­nir hjá KÍ í Trongisvági hil…
Magni Husgaard við sínum fyrsta lagi
Skal kappingarleistu­rin varðveit­ast?
Jórun Niclasen vann navnakappingina
Upptakt: TB-KÍ
Semja um maskinmeistarar hjá Vørn
Nevndarskifti í AKF
Myndarøð: Vóru á fjalli í Barmi í dag
Norðoya Sparikassi 6 milliónir í avlopi…
Næmingar­nir ruddaðu Føroyar
KSS-Open 2020
Góð undirtøka á Viðareiði
Børn og ung skulu hava frítíðarkort
KÍ skal á útivøll um liðið kemur í ‘’pla…
Tilmeldingin til Kvøldskúlan letur upp í…
Nú verður aftur møguligt at taka koyriko…
Poula Isaksen 90 ár
Norðlýsið á gøtuni