Meira um tað sæst aðrastaðni her á síðuni. Men her nakrar myndir frá sjálvari avdúkingini og tilriggingini av dúkinum, ið varð seymaður til endamálið. Tað var Ruth Laksafoss, skræddari, ið stóð fyri tí arbeiðinum, saman við hjálparum sínum, Ásu og Randi Joensen.

Nógvur vindur var hendan dagin, so tað var ikki bara at fáa alt at rigga, serstakliga vóru tær bangnar fyri um tað fór at regna ov nógv, tí tá var vandið fyri at toyið fór at fella saman kring minnisvarðan. Men tí betur bleiv dýrdarveður við sjálva avdúkingina.