Hetta vikuskifti byrjar hondbólturin í bestu deildunum aftur, og kvinnurnar hjá Stjørnuni leggja fyri við á heimavølli at leika móti Kyndil. Dysturin byrjar kl. 15.00.

Liðið hjá Stjørnuni er nakað broytt í mun til seinasta kappingarár, m.a. eru tvær av berandi kreftunum seinastu árini Mina og Jancy ikki við, tær eru báðar við barn. Liðið er sostatt mannað við rættiliga ungum men evnaríkum leikarum. Eisini er venjarin er nýggjur, talan er um 29 ára gamla havnarmannin Kristoffur Gert Nielsen. Hóast sín unga aldur, so hevur hann drúgvar royndir sum venjari.

Kristoffur letur væl at venjingum, uppmøtingin hevur verið góð, og tær hava vant nógv og hart, so tað við góðum treysti, at hol verður sett á nýtt kappingarár.