Lýsing
Lýsing

Nýggj bókaútgáva: NES

SKRIVAÐ: Tíðindaskriv  |  16.09.2020 - 11:25 Tíðindaskriv

Stiðin gevur út bókina Nes, eftir Johs. Andr. Næs.

Í sambandi við at tað í dag, 16. september, eru liðin 100 ár síðan lærarin og rithøvundin Johannes Andreas Næs var borin í heim í Nesi suðuri í Hvalba, gevur forlagið Stiðin út bókina

NES eftir Johs. Andr. Næs.

 

Johannes Andreas Næs (1920-2018) var útbúgvin lærari, og var m.a. lærari fyrst í Porkeri og síðan í Vági, áðrenn hann miðskeiðis í 1960-árunum tók við einum tá nýskipaðum starvi sum skúlaráðgevari í serundirvísing. Hetta nýggja arbeiðsstaðið var í Havn, so hann flutti við familju síni til høvuðsstaðin at virka.

Umframt skúlaskap hevði Johannes eisini stóran áhuga fyri tí siðsøguliga í breiðastu merking, honum dámdi væl at fortelja og at skriva um løtur og umstøður í lívinum. Greinar, hugleiðingar og frágreiðingar frá hansara hond hava verið at sæð á prenti ymsastaðni í bókum, bløðum og tíðarritum.  

Í 2016 gav Stiðin eisini út bókina um Lítlu Dímun eftir Johs. Andr. Næs. Bókin er ein lýsing av Oynni: søgu, dýralívi, náttúruviðurskiftum, og ein lýsing av hvønn leiklut Lítla Dímun hevur havt fyri fólkið gjøgnum tíðirnar.

Nú gevur Stiðin út eitt úrval av prentaðu greinum hansara, sum fyrst og fremst snúgva seg um NES, lítla býlingin undir Høgubjørgum í Hvalba.

Við í savninum er eisini prentað samrøðan, sum útvarpsmaðurin Jógvan Arge gjørdi við Johs. Andr. Næs, og sum varð send í Útvarpi Føroya í mai 2018, tveir mánaðir áðrenn hann doyði.

 

Bókin, sum verður umrødd í sendingini NÓN seinnapartin í dag, er 260 síður og kostar kr. 300,-.

Lýsing
Seinastu tíðindini
Oyggja­leikir­nir 2021 útsettir
KÍ stórsteypavinnari 2020
Nú skal Klaksvíkar kommuna byggja 60+ íb…
Runavíkar kommuna, stórar avbjóðingar fy…
Dundalk sparir allan hópin í kvøld
Jesper Brinck gjørt nýggjan sáttmála við…
Heyst­arluft
Team Rynkeby savnaði 1.540.000 krónur ti…
Fram við landi í Árnafirði við Hanus í G…
Jesus segði: ”Loyvið smábørni­num at koma…
Jesus segði: ”Loyvið smábørni­num at koma…
Undir Íslandi við Norðborg
Elsebeth Mercedis Gunnleygsdóttur svarar…
Garðavegur verður nú gjørdur liðugur
Sum ein Jarðarferð
Paul Kjartan er okkara valevni í Klaksví…
Gysari hjá monnunum
SÍ vann fyrsta stórsteypadystin!
KÍ-AB er útsettur til 4. november
Símun H. Poulsen vann Pes-kappingina