Lýsing
Lýsing

Tríggjar kommunur leggjast afturat Talgildu Føroyum

SKRIVAÐ: Tíðindaskriv  |  16.09.2020 - 14:01 Tíðindaskriv Tíðindi

Fyrrapartin í dag gjørdu tríggjar kommunur aftrat avtalu við Fíggjarmálaráðið um Talgildu Føroyar.

Vága-, Sørvágs- og Sunda kommuna skrivaðu undir avtalu, ið gevur teimum atgongd til talgilda undirstøðukervið í Føroyum. Sostatt eru tað nú 6 kommunur, ið hava gjørt avtalu. Frammanundan hava Tórshavnar-, Nes-, og Eysturkommuna gjørt avtalu um Talgildu Føroyar. 

Kommunurnar kunnu nú saman við Talgildu Føroyum fara undir at menna talgildar tænastur til sínar borgarar á Vanganum. Vangin er komandi tænastuportalur, har føroyingar trygt og lætt kunnu avgreiða almenn viðurskifti á einum stað. Felags snið og funkur fara at gera tað lætt hjá fólki at brúka tænasturnar.  

Kommunurnar veita í dag sínum borgarum nógvar ymiskar tænastur. Ein skipað og miðsavnað talgilding er við til at hækka tænastustøðið mótvegis borgarunum. Við avtalunum í dag fáa gott 30.000 føroyingar atgongd til kommunalar tænastur á Vanganum. 

Fíggjarmálaráðið og Talgildu Føroyar fegnast um avtalurnar. Umframt kommunurnar eru átta landsstovnar í holt við at menna talgildar tænastur á Vanganum, og aðrir stovnar eru farnir undir fyrireikingar til at koma við á Vangan. 

"At talgildu tænasturnar eru kjølfestar breitt í føroyska samfelagnum er til stórt gagn fyri allar føroyingar. Tá ið loysnirnar verða mentar tvørtur um geirar, og vit brúka røttu amboðini, kunnu vit veita samanhangandi tænastur við høgari góðsku, sum føroyingar taka til sín og brúka í gerandisdegnum," sigur Jørgen Niclasen, landsstýrismaður í fíggjarmálum. 

 

Talgildu Føroyar hava seinastu fimm árini arbeitt við at menna talgilt undirstøðukervi í Føroyum. KT kervið, Heldin, og fleiri av grundardátunum eru longu settar í verk. Seinni í ár verða Samleikin og Vangin alment tikin í nýtslu. Samleikin er talgild innritan og undirskrift, ið kemur í staðin fyri Mínlykil og seinni eisini fyri NemID. Samleikin livir upp til altjóða trygdarstandardar og fer við tíðini eisini at kunna brúkast til talgildar tænastur uttanlands.

Lýsing
Seinastu tíðindini
Oyggja­leikir­nir 2021 útsettir
KÍ stórsteypavinnari 2020
Nú skal Klaksvíkar kommuna byggja 60+ íb…
Runavíkar kommuna, stórar avbjóðingar fy…
Dundalk sparir allan hópin í kvøld
Jesper Brinck gjørt nýggjan sáttmála við…
Heyst­arluft
Team Rynkeby savnaði 1.540.000 krónur ti…
Fram við landi í Árnafirði við Hanus í G…
Jesus segði: ”Loyvið smábørni­num at koma…
Jesus segði: ”Loyvið smábørni­num at koma…
Undir Íslandi við Norðborg
Elsebeth Mercedis Gunnleygsdóttur svarar…
Garðavegur verður nú gjørdur liðugur
Sum ein Jarðarferð
Paul Kjartan er okkara valevni í Klaksví…
Gysari hjá monnunum
SÍ vann fyrsta stórsteypadystin!
KÍ-AB er útsettur til 4. november
Símun H. Poulsen vann Pes-kappingina