Stjóri á hotellinum er Eirikur Jákupsson, sum saman við nýggja toyminum skal standa á odda fyri dagliga rakstrinum og menningini av hotellinum.

Randi á Bergi er sett sum søluleiðari og skal arbeiða við sølu og at byggja góð sambond við kundar og samstarvsfelagar, meðan Brynjálvur Sigurðsson fær ábyrgdina av tiltøkum á hotellinum.

Í móttøkuni verður Karla V. Joensen móttøkuleiðari og fær ábyrgdina av at tryggja góða tænastu og eina góða uppliving hjá gestunum frá fyrstu løtu.

Matupplivingarnar verða ein týðandi partur av hotellinum. Erick Ibarra er settur sum høvuðskokkur og skal saman við sínum toymi menna køkin á hotellinum. Athaya Yenjai (Pönd) stendur á odda fyri kalda køkinum.

Kafé- og barrøkið verður leitt av Phil Freere, sum skal menna eitt livandi og innbjóðandi umhvørvi.

Bjørt Kristiansen er spaleiðari og fær ábyrgdina av spa-økinum og vælverutilboðunum á hotellinum.

Matstovan á hotellinum fær navnið ’Sand’, sum sipar til staðarnavnið við Sandin í Klaksvík, meðan spa-økið fær navnið ’Alda’ – eitt navn, sum hóskar væl til vælveruupplivingar, har sjógvurin er ein týðandi partur av upplivingini.

KG letur upp 16. juni og verður vónandi ein nýggjur savningarmiðdepil í Klaksvík, har góðska, matupplivingar, vælvera og góð tænasta eru í miðdeplinum.