Lýsing
Lýsing
Lýsing

Ábyrgdarfullur varaborgarstjóri

SKRIVAÐ: Trina Elttør Eysturoy, Forkvinna  |  22.09.2020 - 10:45 Tíðindaskriv Vinna

”Mátaða óljóðið er meir enn 17 dB omanfyri hámarkið, sum er heilt ræðuliga nógv. ” Tað er niðurstøðan av eini rúgvusmikilari kanning, sum Steingrund Akustik hevur gjørt í Ánunum. Tað var Signhild Vilhelmsdóttir Johannesen, varaborgarstjóri, sum bað um kanningina.

Borgarar í Ánunum kærdu í summar sína neyð undan skipum, sum seinnu fingu eyknenvini ‘koronaskipini’.  Hesi skip vóru eins órógvandi, sum so nógv onnur skip, ið borgarar í Ánunum hava klagað um seinastu mongu árini. Tó eru tað ikki bara borgarar í Ánunum, sum verða útsett fyri gangi av so ógvusligum slagi. Fleiri aðrastaðni í landinum líða fólk undir larmi, sum er nógvar ferðir yvir loyvda markið.

Hetta tíðarskeiðið, tá koronaskipini lógu inni, sat varaborgarstjórin í Klaksvíkar kommunu, Signhild Vilhelmsdóttir Johannesen, í borgarstjórasessinum, tí sitandi borgarstjóri var í summarfrí.  Hon tók klagurnar álvarsliga, tók síðani eina ábyrgdarfulla avgerð og sendi boð eftir Steingrund Akustikk fyri at kunnu skjalprógva, hvussu nógvan gang skipini í veruleikanum eru atvoldin til.

Rapportin, sum Steingrund Akustikk, hevur gjørt, útfrá kanningarúrslitunum í Ánunum í summar, tala fyri seg. Kanningarúrslitini og rapportin skjalprógva, at gangurin, sum Klaksvíkar kommuna útsetir borgarar í Ánunum fyri, er langt omanfyri loyvda hámarkvirðið í einum búðstaðarøkið.

Steingrund Akustikk skrivar soleiðis í síni niðurstøðu: ”Mátaða óljóðið er meir enn 17 dB omanfyri hámarkið, sum er heilt ræðuliga nógv.”

Handfaringin hjá varaborgarstjóranum í Klaksvíkar kommunu, kann sigast at vera slóðbrótandi. Ongantíð áður hevur felagið vitað um, at ein myndugleiki er farin so beinrakið til verka fyri veruliga at finna út av og skjalprógva trupulleikan. Hinvegin hevur felagið verið vitni til, at sannleikin verður fjaldur og burturforkláraður.

Hendan rapportin er ikki einans eitt skjalprógv um at gangurin er ov nógvur, men ein viðurkenning til teir borgarar, sum javnan verða skírdir fyri at vera grenj.

Við bíleggingini av ljóðkannini, fyri at skjalprógva umstøðurnar sum íbúgvarnir í Ánunum liva undir, vísti Signhild Vilhelmsdóttir Johannesen, varaborgarstjóri, at hon setir trivnaðin hjá borgararunum fremst og hevur vilja til at loysa trupulleikan.

 



 

 

 

Lýsing
Seinastu tíðindini
Her sæst KÍ dysturin hóskvøldið
Postkort úr Finlandi
Nýggj pantskipan á G! minkar plastdálkin…
Hóskvøldið spælir NSÍ altjóða dyst í Kla…
KÍ Varpið vísir ikki útidystin móti SJK
Góð úrslit hjá føroysku peningastovnunum
Myndarøð: Víkingur - Lincoln Red Imps
Myndarøð: KÍ á veg til Finlands
Nú skal tað verða - Klaksvíkin skal rudd…
Stakkavík 6000 pund
Søgan um Merle Haggard (6:9)
Poula fer at stýra ítrótti­num á Betri Oy…
KÍ hópurin komin til Vaasa
Einki tap í Champions League dystum í Kl…
Á Kappanum við Jóannesi Paturssyni
Jónleif: Næmingar dáma væl fleiri lærara…
Erik: Sølan til Summar­festivalin er góð
Champions League í Klaksvík týskvøldið
Magnus Powell: Hetta verður spennandi
Felags gagnnýtsla av okkara karmum – tað…