Á verkstaðnum hjá el-in starvast 22 mans, harav 10 seinastu tíðina hava verðið lærlingar. Vanliga verða 2 lærlingar útlærdir um árið, men nú í september vóru 3 lærlingar útlærdir sama dag. Teir eru Andrias Høgnesen, Jákup B. Andreasen og Jóannes K. Danielsen

Í lærutíðini hava teir roynt mangt og hvat innan el-arbeiði, millum annað hava teir verðið við til at gera nýggja skúlan á Skúlatrøð, men eisini el-arbeiði á Kósini, umborð á ymiskum skipum, á virkjum, og í sethúsum hevur mynda teirra gerandisdag í lærutíðini.

Dia, Jákup og Jóannes halda allir fram í el-in, men teir hava eisini allir ætlanir um at útbúgva seg meira seinni, onkur sum maskinmeistari og annar sum el-installatørur.

Vit í el-in ynskja teimum hjartaliga tillukku við sveinabrævinum og blíðan byr framyvir.