Lýsing
Lýsing
Tekningar í sambandi við eykajáttan avdúka, at linjuføringin verður í Ánunum. | Mynd: Føroya Løgting

Linjuføringin til Gerðabø er slept

SKRIVAÐ: Jóhann Lützen  |  23.09.2020 - 17:16 Politikkur Tíðindi

Í tilfari, sum er lagt við málinum um eykajáttan í sambandi við trygdarútgerð til Tunlarnar Norður um Fjall, sæst, at arbeitt verður einans við tunnilsmunnunum við Ánirnar, Árnafjørð og Hvannasund. Talan er um ein yvirlitisplan og so tríggjar “visualiseringar”, ið skulu visa, hvussu tað fer at síggja út við tunnilsmunnarnar.

Á heimasíðuni hjá Løgtinginum liggur mál nr. 6/2020, ið er Uppskot til eykajáttanarløgtingslóg fyri august fyri 2020-2”. Hóast ongin tekstur er at finna, burtursæð í upprunauppskotinum frá Beintu Løwe, so talar tilfarið sítt týðiliga mál. Sambært visualiseringunum skal norðari tunnilin, ofta róptur Hvannasundstunnilin ella Norðdepilstunnilin, koma út niðan fyri verandi berghol Norðdepilsmegin.

Árnafjarðartunnilin, sum syðri tunnilin vanliga verður róptur, liggur eisini niðanfyri verandi tunnilsmunna, og har verður ikki tann stóra broytingin. Men á visualiseringini av Ánunum sæst gamli tunnilsmunnin ikki, og tað sigur, at nýggi munnin kemur at liggja nakað burturfrá tí verandi. Men í øllum førum fer hann at koma út í Ánunum ella umleið Ánirnar. Í skjalinum ”Yvirlitisplanur” sæst at tunnilin verður boraður nakað sunnari enn verandi tunnilin.

Leingi hevur kjak verður um, hvør linjuføringin er tann besta, og nú hevur myndugleikin so eftir øllum at døma skorið ígjøgnum og tikið endaliga støðu: Árnafjarðartunnilin fer at hava sín vestara tunnilsmunna í Ánunum, og ætlanirnar um Gerðabø eru sleptar.

Lýsing
Seinastu tíðindini
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin
Slóðbrót­andi semja um tøkugjald