Lýsing
Lýsing
Beinir Johannesen, tingmaður fyri Fólkaflokkin, kennir til trupulleikarnar í Starvsfólkabygninginum á Klaksvíkar Sjúkrahúsi, og hevur nú sett sær fyri at gera nakað við teir. | Mynd: Kringvarpið.

Beinir vil útvega fígging til Starvsfólkabygningin

SKRIVAÐ: Jóhann Lützen  |  24.09.2020 - 14:05 Politikkur Tíðindi

Sum uppfylging uppá málið um vánaligu korini á Starvsfólkabygninginum, vanliga róptur Personalebygningurin, á Klaksvíkar Sjúkrahúsi, hevur Norðlýsið verið í sambandi við Beinir Johannesen, løgtingsmann, ið sjálvur býr í Klaksvík. Hann sigur, at hann kennir til trupulleikarnar og vil arbeiða fyri at fáa ta neyðugu játtanina til at seta bygningin í stand.

Trupulleikin er gamal. Og gjørt hevur verið vart við hann í øllum førum seinastu 4 árini. Í 2016 blivu Landsverk og Heilsumálaráðið gjørd varug við trupulleikan í Starvsfólkabygningum, sum er í ringum standi. Í stuttum er trupulleikin serliga tann, at gamla betongið er rivnað, og ígjøgnum rivurnar seyrar vatn inn og ger alt millum skins og hold vátt. Tað elvir til trupulleikar, ið sjálvandi eru verstir fyri fólk við ovurviðkvæmi, men sum eisini eru ósunnir fyri frísk fólk.

Læknar o.o. gistandi starvsfólk hava kært sína neyð um hetta, og í summum førum hevur verið neyðugt at útvegað teimum innivist aðrastaðni í býnum. Einstakar sjúkrameldingar hava verið millum starvsfólkini vegna hesar umstøðurnar, og í øðrum førum hevur verið neyðugt at flyta fólk millum rúm í bygninginum; úr rúmum, ið eru harðast rakt, til rúm, ið eru minni rakt. Sum skilst eru rúmini, sum liggja við útveggirnar norðureftir og suðureftir, harðast rakt.

Men nú ætlar tingmaðurin fyri Fólkaflokkin, Beinir Johannesen, sær so at gera okkurt við hetta, og hann arbeiðir í løtuni við at útvega peningin, ið skal til fyri at seta bygningin í stand. Norðlýsið fylgir við málinum, og meira verður at frætta.

Lýsing
Seinastu tíðindini
Vallistar til býráðið
Stjørnan tekur ímóti Neistanum
Sang og Vitnisburðar­løtur á Eiði
Silvurbikarið funnið
Norðoya Litbúð keypt Contrive
KÍ møtir Vålerenga
Hallartún letur dyrnar upp í kvøld
Tíðarskeiðið í avbyrging og sóttarhaldi…
Lendisgøtur og View Point
Gadus siglir heim
Hilton Garden Inn Faroe Islands letur up…
Nýggj KT-heildar­tænasta í norð­urøkinum
Listi B í Fuglafirði stillar 12 valevni…
Áfram Eystur­kommuna
KÍ bjargaði sær sera týdningarmikið stig…
Skal ikki - skal!
Útróður í Klaksvík
Bárður Lydersen stillar upp fyri Framsók…
Ein heilsan til hetjurnar
Herborg í Spaniu­stovu