Lýsing
Lýsing

SÍ vann fyrsta stórsteypadystin!

SKRIVAÐ: Tíðindaskriv  |  26.09.2020 - 20:00 Ítrottur Tíðindi

SÍ – Mjølnir 3-0 (25-14, 25-10, 25-18)

Søga varð skrivað á Giljanesi í dag, tá ið fyrsti stórsteypadystur nakrantíð í flogbólti varð leiktur. Og kvinnurnar í SÍ kunnu kunnu í minst eitt ár kalla seg einastu stórsteypavinnarar í flogbólti í Føroyum

 

SÍ nógv sterkari

Kvinnurnar í SÍ byrja nýggja kappingarárið við somu góðu taktum, sum tær vístu síðsta kappingarár eftir at tær fingu Juliiu Kuvshinova inn á liðið nakað inni í kappingarárinum. Rajko Petrovic venjari hevur nógvar stinnar leikarar at taka av, og úr Drátti er Sissal Ellefsdóttir komin aftur, so SÍ liðið er enn sterkari enn áður. Og tað fingu FM-vinnararnir í Mjølni sanniliga at føla, tí SÍ-kvinnurnar vóru bara omaná og ruddiliga tað.

 

SÍ er FM-favorittur

Nú skal júst hesin dysturin takast við øllum møguligum fyrivarnum, tí meðan SÍ-liðið kundi stilla í sterkastu uppstilling og tykist longu nú vera í góðari venjing, var liðið hjá Mjølni merkt av, at hvørki hevarin Alinka Adamenya ella Sofía Purkhús frá FM-liðnum í fjør vóru við. Alinka verður við aftur, men verri er við Sofíu, sum neyvan spælir í ár. Tað er stórur missur hjá Mjølni, men unga ættarliðið, sum nú verður spælt inn, hevur góðar vónir og skal nokk fara at býta frá sær.

SÍ harafturímóti má metast sum ein at sterkastu FM-favorittunum. Liðið hevur alt, sum skal til bæði í dygd og breidd, og hevur nógv mest vinnandi venjaran í Føroyum í Rajko Petrovic. SÍ verður liðið, sum øll hini koma at renna aftaná hetta kappingarárið og skulu royna at vinna seg framum.

Lýsing
Seinastu tíðindini
Sálarlig heilsa skal uppraðfestast
Team Klaksvík fær vitjan av Neistanum hó…
Heimsins fyrsta marknaðarførings­skipan t…
Leirkerið við nýggjari bók – „Styrki í s…
Minningarhald teirra sjólátnu í Svínoy
Heyst á Áarstovu
Fyrstu valplakatir­nar komnar upp
Amerikanski admiralu­rin Robert Burke á v…
Morgunsangur á Klaksvíkar Sjúkra­húsi
Minningarhald teirra sjólátnu
Havnarlagið dagførast
Skráin fyri allahalgannahaldið á Syðrada…
Endurnýta mold og skilja grót
Botnleysa holið í Marknagili
Løgtingið fingið nýggja heimasíðu
Bryggjan við Grótrætt avhendað
”Nice to have – need to have” - 1% yvir…
Smidligari barna­ansing til øll í Klaksví…
Upptakt: Víkingur-KÍ
Nýtt vinnuøki niðanfyri Blikksmiðjuna