Lýsing
Lýsing
Bergur Jacobsen. | Mynd: Dávur Winther.

Jesus segði: ”Loyvið smábørninum at koma til mín, forðið teimum tað ikki!”

SKRIVAÐ: Bergur Jacobsen  |  27.09.2020 - 15:56 Bloggur Politikkur

Miðflokkurin sigur: Smábørnini eru eru sum fiskikvotur ella fiskiveiðuavtalur! So hjartaleys og ókristilig er tulkanin av barnavinarliga boðskapi Jesusar hjá hesum flokkinum, ið mest sum hevur tikið sær einarættin uppá føroyska gudiligheit!

Hóast eg hevði jura sum eina av trimum høvuðslærugreinum til studentsprógv (A-level, General Principles og Law), so havi en ongantíð til fulnar skilt juridisku frumskógina. Men mín fátæki logikkur sigur mær, at hevur tingið samtykt samkynt parlag ella hjúnalag, so áttu børn eisini onkursvegna at verið umfevnd av hesi lóggávuni.

Eg sigi hetta, tí fólk kunnu fáa børn við sær inn í samkynd parløg, og fólk í samkyndum parløgum kunnu jú ala børn, ella fáa børn í ”varðveitslu”. Um hesi børnini ikki hava somu rættindi sum onnur børn, so er í veruleikanum talan um diskriminatión, um mannamun – og tað má onkursvegna vera í stríð við andan í føroyskari demokratiskari lóggávu, har øll eru líka fyri lógini, ella hvussu?

Tá hendan diskriminatiónin so fer fram í Jesu ella hinum kristna Guðs navni, so skríggjar tað av vanvirðing fyri øllum tí, sum boðskapur Jesusar umboðar, og so prógvar tað tað, sum vit væl vistu, at í Føroyum lesa tey ikki Bíbliuna eins og Luther, útfrá tí sum tænir Kristusi (was Christum treibt), men út frá, hvat tænir Mósesi, Paulusi og miðaldardogmum annars.

At javnmeta teir yngstu guðsskapningarnar við fiskikvotur ella fiskiveiðuavtalur (Bill Justinussen í KvF) er so anskræmiligt, at tað eru ikki orð fyri tí. Jesu lív var fyri so vítt ein uppgerð við alla lógarreligión. Men kortini verður Jesus her nýttur til at gera juridiskan mismun á teimum minstu. Her er talan um ein kærleiksleysan átrúnað, sum velur deyða bókstavin fram um kærleikan, lógina og fram um náðina.

Kristni boðskapurin kann ikki samtykkjast við lóg, enn minni setast í verk við lógarheimildum.  Jesus hevði í hyggju at broyta menniskju, hjartalagið, og ikki bara lógina, tí tú kanst ikki lóggeva fyri kærleikanum, náðini ella lívsvónini.

Tá politikararnir ikki vilja geva evt. børnum úr samkyndum parløgum somu rættini sum onnur børn, tí børnini skulu kenna pápa sín, so er tað eisini ein diskriminatión og háðan av teimum, ið av einari ella aðrari orsøk ikki vita, hvør pápi teirra er. At siga at øll børn skulu hava ein faðir og eina móðir, er eisini ein niðurgerðing av teimum, ið bara hava eina móður ella bara hava ein faðir, ella bara ommu og abba. Familjumynstrið hevur ongantíð verið einfalt!

Tað eru undirlívspolitikarar í øllum flokkum í Føroyum, Onkur flokkur er kanska ein reinur undirlívsflokkur. Og tað er onki at ivast í, at tað eru nógvar atkvøður í undirlívspolitikki, og tað er helst tí, at undirlívspolitikarnir buldra i hesum málinum.  Tey hava sjálvandi eins góðan rætt til sína áskoðan og øll hini - men trúgvið ikki, at tit tæna honum, sum bað smábørnini koma til sín, við at tit seta ein evarska lítlan minniluta til viks við diskriminatión í Jesu navni!

Lýsing
Bloggarin
Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Hvør bloggar
Durita Poulsen
Cand. Mag & PBA í føðslu og heilsu

Durita Poulsen hevur eina bachelor í heilsu & føðslu og kandidatútbúgving í læring og menningartilgongdir frá Aalborg Universitet. Hon hevur búð í Keypmannahavn síðani 2012.  

Durita hevur stóran áhuga í heilsu og vælveru hugtakinum, og fer at umrøða heilsu út frá einum breiðum perspektivið ella tað vit kenna sum; fysisk-, psykisk- og sosial heilsa.

Tískil verður kostur og rørsla umrøtt, men eisini hin síðan, at vit skulu minnast til at eingin er perfekt, at droppa ’alt ella einki’ mentalitetin og at hugleiga um tankameldur og annað ið kemur við heilsurákinum.

 

Sólfinn Hansen
Cand.Mag. & bac.scient.pol.

Sólfinn Hansen er føddur í 1978 á Klaksvíkar Sjúkrahúsi. Hann er upprunaliga úr Klaksvík, nú búsitandi á Kambsdali. Hann er útbúgvin cand.mag. í føroyskum og søgu og B.S.Sc. í stjórnmálafrøði. Hevur síðani 2003 undirvíst á studentaskúla, HF, handilsskúla, tekniskum skúla og á Fróðskaparsetrinum. Sólfinn er limur í Málráðnum.

Bergur Jacobsen
Pensionistur

Bergur Jacobsen er føddur og uppvaksin á Stongunum í Klaksvík. Útbúgvin prestur frá Chichester Theological College, University of Southampton. Hevur verið prestur á Sandi, við donsku Kirkjuna í London, i Ordrup og í Føroysku Kirkjuni í Keypmannahavn. Starvaðist í Útvarpinum í átta ár, og var landstýrismaður fyri Sjálvstýrisflokkin í tvey ár. Bergur hevur ongantíð sæð ein heilan fótbóltsdyst, men spælt í nógvum hornorkestrum. Bergur hevur eisini verið blaðstjóri á Norðlýsinum og á Tingakrossi eitt stutt skifti.

Seinastu tíðindini
Sálarlig heilsa skal uppraðfestast
Team Klaksvík fær vitjan av Neistanum hó…
Heimsins fyrsta marknaðarførings­skipan t…
Dystar­veðrið í kvøld
Leirkerið við nýggjari bók – „Styrki í s…
Minningarhald teirra sjólátnu í Svínoy
Heyst á Áarstovu
Fyrstu valplakatir­nar komnar upp
Amerikanski admiralu­rin Robert Burke á v…
Morgunsangur á Klaksvíkar Sjúkra­húsi
Minningarhald teirra sjólátnu
Havnarlagið dagførast
Skráin fyri allahalgannahaldið á Syðrada…
Endurnýta mold og skilja grót
Botnleysa holið í Marknagili
Løgtingið fingið nýggja heimasíðu
Bryggjan við Grótrætt avhendað
”Nice to have – need to have” - 1% yvir…
Smidligari barna­ansing til øll í Klaksví…
Upptakt: Víkingur-KÍ