Tað hevur virkað avbera væl við bilunum, sum standa omanerftir nýggja Reyðhús-vegnum í longum røðum fyri at kunna lata seg kanna fyri Korunu.

Men í dag var røðin serliga long - Fyrst í morgun rakk køin langt eftir tíbetur breiða ringvegnum, undir Fossum. Ein granni segði, at tað var um at gera, at hon rakk heilt til rundkoyringina við varðanum á.

Kl. 11, tá ið kanningin annars heldur uppat, var byrjanin av røðini av bilum nakað miðskeiðis á vegnum undir Fossum og so oman alt Klaksvíksskákið, heilt oman at teltinum omanfyri Klaksvíkar Sjúkrahús.

Kanningarfólkini eru í góðari venjing, og gekk tað bara heilt skjótt, tó at bilrøðin ongan enda mundi tikið.