Í dag klokkan 15.15 skulu KÍ kvinnurnar á vøllin á Djúpumýru at spæla ímóti B36. Frammanundan dystinum eru tær longu Føroyameistarar. Vit hava verið í arkivinum og funnið hesa myndina frá ár 2000, tá KÍ kvinnurnar blivu Føroyameistarar og eru á veg at leggja at á Stongunum. Hendan, sum í dag bjóðar seg fram til býráðsvalið, stendur við rampuna hjá Ternuni og bíðar eftir fastrum sínum. Ternan er við at leggja at og hon stendur her saman við langommu síni og einum maskotti og bíðar spent. - Langomman, sála,  var eisini ein trúgvur KÍ fjeppari.