Lýsing
Lýsing
Lýsing

Silvurbikarið funnið

SKRIVAÐ: Jóhann Lützen  |  22.10.2020 - 13:28 Ítrottur Mentan Tíðindi

Norðlýsið hevur fingið hópin av reaktiónum uppá áheitanina ígjár, tá lesari kom á gátt við mynd og sóknaðist eftir hvar bikari á myndini mundi verða blivið av. Tíðarmetingin var eisini fleiri ár viðsíðurnar av og tískil var tað heldur ikki Fríðrikur kongur VIII, men heldur Cristian kongur X, sum sást á myndini. 

Andras Sólstein frá Fornminnissavninum er góður í ráðum. Hann sigur, at myndin er frá juni mánaða 1921, tá Christian kongur X, og Alexandrina drotning vitja í Føroyum.

Tann 22. juni var kongur í Klaksvík. Veðrið var gott hendan dagin, og ein rúgva av fólki var samankomin, úr øllum Norðoyggjum og Eysturoynni við. Á vánni var skipað fyri svimju uppvísing við skúladreingjum og kappróður, sigur Andras.

Í kappróðrinum luttóku sjey áttamannafør, Kongur var dómari og handaði tveimum teimum fremstu bátunum silvurbikar við áskrift. Vágsbáturin var vinnari og fekk steyp frá kongi. Við eitt sindur av kanningararbeiði kom undan kavi hvar tað eina steypið er. Steypið hevur verið, og er enn í varðveitslu í Útistovu í Vági, sigur Andras. 

Petur J. Eliasen úr Útistovu var á savninum, og har fingu vit mynd av steypinum. Har áskriftin er CX 22-6-1921. Tað vóru sum sagt tvey steyp handaði, hvar hitt er veit eg ikki. Eftir vitjanina í Klaksvík høvdu O.F. Joensen keypmaður við frú tann heiður at fylgja kongshjúnunum til Havnar við skipinum Valkyrien. Um kvøldi var taffil umborð, sigur Andras Sólstein við Norðlýsið. 

Annars upplýsir Andras fyri Norðlýsinum, at eitt filmsklipp av túrinum liggur á filmcentralen.dk, við millum annað kappróðrinum. 

 

 
Lýsing
Seinastu tíðindini
Video: Traktorar á Vaglinum
Løgreglan er komin til Hoyvíksgarð
Formaðu­rin í bóndafelag­num: Vónandi kann…
Myndarøð: Bóndur savnast nú í Hoyvíksgar…
Myndarøð: Traktorriðil til Havnar at mót…
Ein heimsstjørna til Føroya!
Bíblian á føroyskum í sjeytifimm ár
Gjørdist heimskendur av dómarahending
Nýggjur bygningur til Fróðskaparsetrið
Skotiđ viđ Magnus Jørmundsson
Nú kemur umstrídda lógaruppskotið
Pál Weihe í Sandvágs kirkju
Sløkkja ljósini í ein tíma
Hotel Hafnia og Hotel Brandan hava gjørt…
Peningastov­nar gera mismun á fólki
Norðlýsið á gøtuni
Magni Christiansen konsert á Eiði
Nýggj vísindagrein í Ocean Engineering
Á leið sama umsøkjaratal á miðnámi
Dýrari tunlar enn neyðugt