Lýsing
Lýsing
Rógvi Jacobsen, valevni. | Mynd: Egin mynd.

Skulu øll hava má onkur lúta!

SKRIVAÐ: Rógvi Jacobsen  |  09.11.2020 - 22:02 Kommunuval 2020 Politikkur

Seinastu vikurnar eri eg veruliga blivin sannførdur um, at vit eiga at raðfesta týdningarmiklar verkætlanir, og føra tær heilt á mál, ístaðin fyri at gera alt í senn og sostatt bíða í áravís, áðrenn vit koma á mál við nøkrum sum helst.

Men hví er tað so torført at raðfesta? 

Eg hugsi serliga um tvær orsakir.  

Fyri tað fyrsta hevur hvør verkætlan ein áhugabólk, har júst “teirra” verkætlan skal hava eina raðfesting.  

Fyri tað næsta, so ynskja vit øll, at okkara býur er fremstur í kappingini um at vera býurin, sum hevur alskyns møguleikar og tænastur. Vit skulu vera áhugaverd bæði fyri okkara egnu, men eisini fyri tey, sum koma at vitja okkum.  

Vit ynskja sostatt at gleða øll. Tað er í øllum førum kenslan mann fær, tá ið hugt verður eftir teimum íløgum, sum komandi ár fer at binda Klaksvíkar kommunu. Tó kunnu vit skjótt staðfesta, at kommunukassin ikki er óavmarkaður, og at tað verða fleiri áhugabólkar, sum ikki fara at fáa ynskir uppfylt.  

Íløgukarmurin hjá Klaksvíkar kommunu komandi ár er “einans” 75 mió. kr, og tað strekkir ikki langt, tá hugt verður eftir teimum verkætlanum, sum vit vita skulu gerast lidnar:  

2. og 3. Byggistig á Skúlatrøð, Spillvatn/hitaskipan, Bláa skýlið, Miðbýur, Rennibreyt, Havnaøkið, Vinnuøkið, Nýggjur barnagarður, Spæliland, Kappróðrarneyst, Húsarhaldsskúli, Mentanarhús, Fimleikahøll, Útstykking á Fossum!        

Í hesum yvirlitinum verður ikki hugsað um átøk, sum viðvíkja eldraøkinum. Ein nýtist ikki at vera serfrøðingur fyri at síggja, at hetta als ikki hongur saman, um ynski er at fáa allar verkætlanirnar á mál innanfyri rímiliga tíð. 

Tá valstríði byrjaði tóktist tað skilagott at gera borgarar varugar við, at komandi býráð má undir eitt umfatandi raðfestingararbeiði. Hetta er bara blivið enn meira sjónligt í valstríðnum, og vil eg virka fyri, at tað sum verður lovað eisini verður játtað!

Gott val! 

Rógvi Jacobsen valevni fyri lista E.  

Lýsing
Seinastu tíðindini
Páll A. Klettskarð elskar stóru dystirna…
Afturvend­andi avbjóðingar­nar mugu loysas…
Flogbóltur: U 17 liðini til EM-kapping í…
Myndir frá KÍ - B36
Video: Tá føroyameistaraheitið hjá KÍ bl…
KÍ kvinnur­nar Føroyameistarar 2021
Klaksvík – eitt portur til Evropa
KÍ-kvinnur­nar fáa FM-steypið í dag
Upptakt: KÍ-B36
KÍ vann seinast, men vanliga stendur B36…
Unglingar settu eld á rúsur
Mánakøka (Kina)
HB spælt uttan lógligan venjara – sleppu…
MEGD 40 ár
Vit mugu verja Bústaðir
Stutt Flutt Føroysk Framleiðsla  
Bob Sumareh er toppskjútti í topp 5 dyst…
Veðrið um vikuskiftið
Vit síggjast við Djúpumýru
Norðlýsið á gøtuni