Norðlýsið hevur fingið eitt yvirlit frá FMF, sum vísir miðalprísir fyri tíðarskeiðið 1.-11. januar í 2021 og samanborið við síðstu trý árini um somu tíð. Har sást, at toskaprísurin heldur sær væl og er í ár áleið tann sami sum síðstu trý árini. Hinvegin er prísurin á hýsuni nógv lækkaður. Hýsa 1 og 2 hava ein miðalprís á 12-13 kr. í mun til ein miðalprís á 24 kr. fyri einum ári síðani. Hýsa 3 er farin niður á 7,51, har hon undanfarin ár hevur ligið millum 14 og 18 krónur. Talan er um ísfisk, so hetta rakar serliga útróðrarbátarnar og línuskipini. Sí yvirlit niðanfyri.