Magn verður kanska selt
Í íslendska Morgunblaðnum verður skrivað, at stórar broytingar eru á veg í oljufyritøkuni Skeljungi í Íslandi. Nýggjur meirilutaeigari er komin inn í myndina, og í blaðnum greiðir hann frá sínum ætlanum fyri fyritøkuna. Tað er Jón Ásgeir Jóhannesson, ið gjøgnum Streng Group, ið nú stendur fyri meirilutanum í fyritøkuni, og ein av hesum ætlanum, hann leggur fyri dagin, er møguliga at selja føroyska Magn úr Skeljungi.
Umframt at Corona-farsóttin sjálvandi fyllir nakað, so sigur Jón Ásgeir Johannesen soleiðis: Þannig komi jafnframt til greina að selja dótturfélag olíufélagsins í Færeyjum, P/F Magn. Sum grundgeving sigur hann seg ikki halda tað geva so nógva meining at satsa uppá føroyska dótturfelagið. Aðrar broytingar kunnu eisini roknast við at verða gjørdar í útlendska virkseminum hjá Skeljungi.
Kelda: Morgunblaðið (á íslendskum)