Hesa tíðina í fjør hoyrdu vit nógv um rokfiskarí við Flemish Kap. Tað vóru seks frystilínuskip úr Føroyum, ið høvdu eina felagskvotu á 1907 tons at fiska. Tey vóru Eivind, Jákup B, Jógvan I, Kambur, Klakkur og Stapin.

Fleiri av frystilínuskipunum eru heilt nýggj og skulu tí fiska nógv fyri at svara hvørjum sítt. Tað eru 4 frystilínuskip sum eru komin til landi, og tvey sum hava fingið nýggjan eigara hetta seinasta árið. 

Tí er støðan við fallandi fiskaprísum og støðan á Flemish Kap komin sera illa við hjá fleiri av okkum. Um vit roknað hasi 1900 tonsini út, so vænti eg tað liggur um eitt virði á einar 40 mió. krónur, sum hesi seks frystilínuskipini hava mist í ár, sigur reiðari við Norðlýsið.