Lýsing
Lýsing
Leikbólkurin hjá Gunnvá Zachariasen, ið hevur søkt um stuðul til fyrireikandi arbeiðið at seta Richard III á pall. | Mynd: Uttanríkis- og mentamálaráðið

Skeggjasambondini í Leiklistaráðnum og boykott

SKRIVAÐ: Jóhann Lützen  |  17.02.2021 - 10:49 Leiðarin Mentan Politikkur

Kann man sita í nevndini fyri Tjóðpall Føroya og framvegis boykotta sama Tjóðpall? Og kann ein, sum boykottar Tjóðpallin, fáa studning frá somu nevnd? Margháttligir spurningar, ja, men støðan er sanniliga eisini margháttlig. Nøkur fólk í Leiklistaráðnum, ið samstundis er nevnd fyri Tjóðpallin, vilja ríða á tveimum hestum samstundis, hóast hestarnir ríða hvør sín veg.

Fyrr í ár sendi Leiklistafylkingin út skriv, har tey mótmæltu, at stjórin seinastu 15 árini gjørdist stjóri í 5 ár afturat. Hetta mótmælisskrivið var samstundis ein endurtøka av eini fráboðan um eitt boykott av Tjóðpalli Føroya, ið varð kunngjørt í oktober 2020, harí tað stendur “Leiklistafylkingin 2020 lýsur tann 08.10.2020 boykott av Tjóðpalli Føroya”. Hetta ber ikki til at misskilja.

Føstulávintsmánadag, fingu vit so at vita, at Leiklistaráðið – ið er nevnd fyri Tjóðpallin – veitir stórar upphæddir í studningi til felagsskapir og einstakling, ið boykotta sama Tjóðpall. Millum boykottandi felagsskapirnar finna vit bæði Det ferösche Compagnie og TVAZZ, og somu felagsskapirnir móttaka ávikavist 180.000 og 170.000 krónur í stuðuli til yrkislist. Somuleiðis fær Gunnvá Zachariassen 35.000 í studningi, hóast hon eisini boykottar Tjóðpallin.

Í nevndini fyri Tjóðpall Føroya/Leiklistaráðið sita m.a. Búi Dam og Durita Dahl Andreasen. Hesi hava bæði skrivað undir upp á at boykotta Tjóðpallin, sum tey sjálvi sita í nevnd fyri. Samstundis mælir Leiklistaráðið, har tey bæði sita, Landsstýrinum til at veita stórar upphæddir til onnur, ið eins og tey sjálvi eisini boykotta sama Tjóðpall.

Við hesum verður Tjóðpallur Føroya undirgrivin innanífrá. Limir í nevndini ikki bara boykotta sjálvan stovnin, tey eru í nevnd fyri, men mæla enntá til at styrkja felagsskapir og einstakling fíggjarliga, ið tveir av limunum í Leiklistaráðnum eru á bylgjulongd við í boykottinum.

Stóri spurningurin í hesum er, um Uttanríkis- og Mentamálaráðið kann liva við hesum. Er tað loyvt at sita í nevnd fyri ein almennan stovn, sum man boykottar og harvið undirgrevur?

Lýsing
Seinastu tíðindini
Sjey lond samstarva um norð­uratlantiskt…
Handlar og handlandi í Norð­oyggjum á net…
Stórt KÍ blað í gerð
Morgun­venj­ingar á KÍ-akademi­num byrjaðu…
Klaksvíkar Handverkara­felag
Myndarøð: Mjølnir - Dráttur
Heilsan á altjóða kvinnu­deg­num 8. mars
Samrøðubólkur fyri Tvørkynd
Myndarøð: Flotaðu Klaksvíking í dag
Myndarøð: KÍ vann 4-0 á Svangaskarði í d…
Lands­fundu­rin hjá Miðflokki­num verður fr…
Er minkingin dokumenterað?
Kommunur­nar prógva sína ómegd
Andras S. Jacobsen yvirtekur Maverick
Dystar­veðrið B68 – KÍ
Okkara vakra náttúra
Mars máni - byrjar sum leyva, rýmir su…
Tíðindafundur um staðseting av nýggja Tj…
Mjølnir á heimavølli í dag
Upptakt: B68-KÍ