Trýstið í miðjuni fer at vera lágt í nátt – um 956 hPa. Lágtrýstið fer at draga nógva luft til sín av havleiðunum vestan fyri Evropa.

Tað fyrsta vit fara at leggja til merkis, er at ættin seint seinnapartin fer úr suðuri – tað er har sum hon hevur ligið í morgun – og upp í eystan. Vindferðin veksur ikki so nógv; klokkan 20 í kvøld eru enn bert 7 til 12 m/s.

Men eftir tað fer ættin niður ímóti suðuri, vindurin fer at veksa eitt sindur, og tað fer at regna.

Um midnáttarleitið fer at slíta í, og vindurin fer at veksa. Klokkan trý í nátt eru 15 til 20 m/s av suðuri. Fram ímóti morgni kann vindurin væntast at veksa upp í 18 til 23 m/s, og tá er eisini ælaveður.

Gevið gætur, at hetta er miðalvindur. Hvirlurnar er altíð væl harðari, og tá er avgerandi, hvussu ættin er á staðnum.

Vindurin fer ikki at minka fyrr, enn væl er ligið út á seinnapartin í morgin.