Lýsing
Lýsing

Tíðindafundur um staðseting av nýggja Tjóðleikhúsinum

SKRIVAÐ: Uttanríkis- og mentamálaráðið  |  07.03.2021 - 10:40 Mentan Tíðindaskriv

Mánadagin 8. mars kl. 11 verður tíðindafundur um staðfesting av nýggja Tjóðleikhúsinum. Tíðindafundurin verður á Panorama á Hotel Hafnia.

Á tíðindafundinum luttaka Jenis av Rana, landsstýrismaður í uttanríkis- og mentamálum, Heðin Mortensen, borgarstjóri í Tórshavn, og Ólavur Jøkladal, formaður í dómsnevndini í arkitektakappingini at tekna Tjóðleikhúsið.

Tilmælið um staðsetingina av Tjóðleikhúsinum verður lagt fram vegna dómsnevndina, ið hevur viðgjørt innkomnu uppskotini um staðseting.  

Í samgonguskjalinum er ásett, at nýtt Tjóðleikhús skal byggjast, ið skal vísa fram og geva skapandi listini góðan gróðrarbotn.

Landsstýrismaðurin í uttanríkis- og  mentamálum skrivaði í november 2020 út arkitektakapping um Tjóðleikhús.

Kappingin er í tveimum stigum, har fyrsta stigið er staðsetingin av Tjóðleikhúsinum í Tórshavn. Uppskotini um staðseting skuldu vera inni 2. februar.

Ein dómsnevnd við luttøku av tveimum útlendskum fakdómarum hevur viðgjørt innkomnu uppskotini.

Tá staðsetingin av Tjóðleikhúsinum er gjørd, verður farið undir næsta stig í kappingini. Í næsta kappingarstiginum skulu luttakandi arkitektarnir gera uppskot til, hvussu Tjóðleikhúsið skal byggjast í samljóði við valdu staðsetingina. Skitsuuppskotini um Tjóðleikhúsið skulu vera inni seinni í ár.

Fimm samtøk av arkitektum eru góðkend framman undan at luttaka í kappingini.

Lýsing
Seinastu tíðindini
Ingi Sørensen niðri á Reynsmúla í dag
Gadus fer nýggjan túr mikukvøldið
Fløsku innsavnan í kvøld
Veiðigjøld­ini, ein tungur burður
Rúni Vang Poulsen gevst sum stjóri á Smy…
Vil samgongan miðspjaða almennar stovnar…
Toppdystur í Sarpugerði í morgin
Tavan og Kong Oscar
Ranja og Bjarnhild vunnu serstakan heiðu…
Góð 800 pund við snellu
VIRUS VIRUS á Skúlatrøð
Vatndeildin nýggjan leiðara
Skrúvað verður fyri vatninum á vestara a…
Heili sjey føroyameistarar í badminton
Egga lagt frá sær sum formaður í Paraspo…
Várframsýningin 2021
Spillolja sivar á sjógv
Viðmerking til Anfinn Olsen
Bjørg er nýggjur leiðari í Fjallafípuni
Tekniski Skúli: Enn eru tøk pláss eftir…