Lýsing
Mesti vindurin er klokkan 21. Ættin er tá vestan. | Mynd: mbl.is

Nógvur vindur í kvøld

SKRIVAÐ: Hanus Kjølbro  |  23.03.2021 - 16:17 Tíðindi Veðrið

Tað er eitt lágtrýst, sum er beint norðan fyri Føroyar, sum stendur fyri vindunum í dag og í kvøld. Lágtrýstið er eitt sindur djúpt, um 970 hPa, og tað hevur trýst seg suðureftir ímóti tí høga trýstinum sunnanfyri. Tí er stórur trýstmunur og nógvur vindur í einum lítlum staði, og tað er júst á leiðunum við Føroyar.

Mesti vindurin er beint sunnan fyri miðjuna á lágtrýstinum, og júst hetta økið fer at leggja seg yvir Føroyar eina løtu í kvøld. Mesti vindurin fer at vera um 21-tíðina.

Veðrið næstu tímarnar fer vindurin at veksa úr 15 til 20 m/s av suðuri upp í 20 til 25 m/s. Klokkan 20 fer ættin upp ímóti útsynningi og vestri – tey fara fyrst at leggja hetta til merkis í Suðuroy.

Klokkan 21 eru miðalvindurin um 25 m/s av vestri.

Alla tíðina er samregn ella ælaveður.

Vindurin fer at minka nokkso skjótt eftir hetta. Á midnátt eru 15 til 20 m/s, og ælini eru tá blivin til vátakava- ella kavaæl.

Í nátt minkar enn meira, og tá ið fólk fara til arbeiðis í morgin ári, eru 10 til 12 m/s av útsynningi-vestri.  

 

 

 

Lýsing
Seinastu tíðindini
Veðrið í vikuni
Sjómannadagur í familjun­nar tekni
Gadus siglir heim
Tryggur 2-0 sigur til KÍ á AB
Beautemps-Beaupré úr Føroyum gjøgnum Djú…
Munandi betri avrik hjá flogbóltsmonnunu…
Føroya Sjómannadagur, skráin fyri 15.-20…
Meira um Húsarhaldsskúlan 
Upptakt: AB-KÍ
Rennibreytin tekur skap
Føroya Sjómannadagur mánadagin
Dagføring: Streymslit um alt meginøkið
Elnetið niðri - í besta veðri
AB-KÍ er fluttur tveir tímar
Opið bræv til Fótbóltsamb­andi um dystars…
Kom við á Føroya størstu og einastu staf…
Barsilsbólkur til tey við rúsbundnum f…
Verið varin í ferðsluni, nú skúlarnir by…
Flogbóltsmennir­nir á veg til Estlands
Framløga: Fornminni fram við sjóvamálan