Eyðstein Sørensen, skipari, letur væl at frystilínuskipinum, sum hevur verið sín fyrsta túr við hesum eigarunum. Pison byrjaði at fiska 1. februar og hevur 200 tons. Áleið 100 tons av longu, 40 tons av toski, 25 tons av hýsu og so er restin blandað. Alt er avhøvdaður fiskur, og teir hava roynt nærum allan túrin vestanfyri Føroyar.

15 mans vóru við Pison hendan túrin, og ætlanin er at fara avstað aftur týsdagin.