Tað bleiv ikki til tann javna og spennandi dystin, sum roknað var við, tá Stjørnan og Neistin leiktu í KÍ-høllini í kvøld. Tað gekk javnt á størsta partin av fyrra hálvleiki, men móti endanum av hálvleikinum fekk Neistin tó eina leiðslu uppá fýra mál, hálvleiksstøðan var 16-12 til Neistan.

Fyrstu løtuna at seinna hálvleiki skiftust liðini um at skora, og tá 12 minuttir vóru leiktir, hevði Stjørnan minkað um leiðsluna hjá Neistanum til tvey mál, støðan var tá 22-20. Men so kom stíður í hjá Stjørnuni, orsaka av persónligurm mistøkum og brendum upplagdum málmøguleikum, eydnaðist ikki Stjørnuni at skora næstu 10 minuttirnar. Betur lág fyri hjá Neistanum,  hesa løtuna fingu tær sjey mál, og so var dysturin avgjørdur. Endaliga úrslitið gjørdist 34-26 til Neistan.