Lýsing
Lýsing

Krøv til útfylling í Haraldssundi

SKRIVAÐ: Umhvørvisstovan  |  04.04.2021 - 23:47 Tíðindaskriv

Kunoyar kommuna ætlar at gera eina útfylling á uml. 1.350 m2. Til hetta skulu uml. 10.000 m3 av gróti brúkast. Grótið fæst til vega úr tunlunum norður um fjall. Fylt verður út norður úr økinum har verandi bátahylur er, einar 45 m, og upp til 30 m út frá verandi sjóvarmála, út á sjey metra dýpi.

Umhvørvisstovan metir, at útlát, serstakliga av plasti, í sambandi við arbeiðið at gera nevndu útfylling, kann hava týðandi árin á umhvørvi. 

Út frá hesum, hevur Umhvørvisstovan mett, at Kunoyar kommuna skal hava umhvørvisgóðkenning til at gera útfyllingina, eisini hóast slíkt virksemi ikki er nevnt í fylgiskjalinum til umhvørvisverndarlógina. Heimild fyri at krevja, at virksemi, sum ikki er nevnt í fylgiskjalinum til umhvørvisverndarlógina, skal umhvørvisgóðkennast, tá ið mett verður, at serligur tøvur á tí, er í § 28 í løgtingslóg um umhvørvisvernd.

Umhvørvisstovan tók tí avgerð um, at Kunoyar kommuna skuldi søkja um umhvørvisgóðkenning til virksemið at gera útfyllingina.

Kunoyar kommuna søkti í mars 2021 um umhvørvisgóðkenning av arbeiðinum.

Í umhvørvisgóðkenningini setur Umhvørvisstovan treytir um, hvussu arbeiðið skal fara fram, serliga um mannagongdir, sum skulu fyribyrgja, at spreingileidningar enda úti í náttúruni.

Góðkenningina finnur tú her

Almennu lýsingina um umhvørvisgóðkenningina finnur tú her. Har finnur tú eisini kæruvegleiðingina.

Lýsing
Seinastu tíðindini
Ingi Sørensen niðri á Reynsmúla í dag
Gadus fer nýggjan túr mikukvøldið
Fløsku innsavnan í kvøld
Veiðigjøld­ini, ein tungur burður
Rúni Vang Poulsen gevst sum stjóri á Smy…
Vil samgongan miðspjaða almennar stovnar…
Toppdystur í Sarpugerði í morgin
Tavan og Kong Oscar
Ranja og Bjarnhild vunnu serstakan heiðu…
Góð 800 pund við snellu
VIRUS VIRUS á Skúlatrøð
Vatndeildin nýggjan leiðara
Skrúvað verður fyri vatninum á vestara a…
Heili sjey føroyameistarar í badminton
Egga lagt frá sær sum formaður í Paraspo…
Várframsýningin 2021
Spillolja sivar á sjógv
Viðmerking til Anfinn Olsen
Bjørg er nýggjur leiðari í Fjallafípuni
Tekniski Skúli: Enn eru tøk pláss eftir…