Framsýning í Galerie Focus við innrammaðum akvarell/pastellum frá Amariel Norðoy
Fríggjadagin 9. apríl kl. 16 til 18 letur ein framsýning upp í Galerie Focus við 19 nýggjastu, innrammaðum og góðum akvarell/pastellum frá Amariel Norðoy í Doktara Jakobsensgøtu 15 í Havn.a
Framsýningin er opin til 22. apríl: týsdag til fríggjadag kl. 15 til 18, leygardag kl. 16 til 18. Eisini er opið eftir avtalu..
Allar myndirnarn eru at síggja á www.galeriefocus.com, ringjast kann eisini á 229876 og avtala tíð at koma í gallaríið.
Amariel Norðoy (f. 1945) var á Det Kongelige Danske Kunstakademi frá 1977 til 1983, har hann, millum annað, fekk høvi at ganga á Mur og Rum har Robert Jacobsen var lærari.
Hesi somu árini bleiv Amariel boðin at gera litografiir á UM-grafik í Keypmannahavn. Seinni hevur hann eisini gjørt litografiir á øðrum grafiskumverkstøðum..
Áhugin fyri at arbeiða við akvarall/pastellum hevur altíð verið stórur, serliga, at arbeiða við, tá hann hevur reist og gist á hotellum, har umstøður ikki eru til størri verk. Seinastu tíðina hevur hann gjørt fleiri akvarall/pastellir, tí hann arbeiðir mest í íbúðini í Keypmannahavn í staðin fyri at fara í bussin til atelierið, tað er orsaka av smittuvandanum.