Lýsing
Lýsing

Tavan og Kong Oscar

SKRIVAÐ: Johan Mortensen  |  13.04.2021 - 12:20 Tíðindi

Longu í 1873 byrjaði Norðmenn við fiskahermetikki og felagið Stavanger Canning Company varð stovnað og i 1880 byrja teir at útflyta. Norsk/Svenski kongurin Oscar var so sera fegin um allan fiskamat og eisini brisling at hann gav felagnum loyvi at nýta sítt navn til teirra marknaðarføring og eitt av heimsins best kendu brandum KING OSCAR sá dagsins ljós.

JF Kjølbro fekk íblástur úr Noregi til at fara undir hermetikvirki í Klaksvík og varð John Høj í starvslæru hjá ABBA SEAFOOD.

Felagið við KING OSCAR brandinum hevur skift hendur nakrar ferðir seinastu hundrað árini og í 2014 keypur heimsins størsta canning felag THAI UNION brandið og framleiðsluna frá NORWAY SEAFOODS sum TAVAN samstarvaði við.

TAVAN fekk beinanvegin sera gott samstarv við THAI UNION og føroyski brislingurin verður nýttur í nøkrum av teirra bestu framleiðslum sum verða seldar kring allan heimin sum eitt premium brand. Tað verður sagt at føroyski brislingurin er millum tann allarbesta sum fáast kann. Eisini hevur TAVAN sera gott samstarv við ABBA SEAFOOD sum flakasker brislingin áðrenn hann fer í dósir og verður síðani  marknaðarførdur globalt.

Vertíðin fyri brisling i Føroyum er vanliga fra november til februar. Joan Magnus Rasumussen, stjóri á Tavuni, sigur at hesa seinastu vertíð fekk Tavan umleið 125 tons, so at at siga alt frá bátinum KATRIN. Hetta er munandi minni enn vanlig ár. Ífjør stóð sera nogvur toskur inni á firðunum og er hetta kanska ein orsøk til at so nogv minni var hesa vertíðina. Ymiskt bendir á at kanska verður frægari komandi vetur.

Joen Magnus Rasmussen leggur afturat at sera stórur eftirspurningur er eftir teirra brislingi og megna teir ikki at nøkta tørvin sum er. Hann er fegin um at TAVAN hevur ment eina framleiðslu sum hevur slíkt gott altjóða orð á sær.

Lýsing
Seinastu tíðindini
Klaksvíkar Søga 4 - video
166 børn- og ung á bíðilista til Barna-…
7 ferðamál beinleiðis í summar
Kom og royn stóra útitalvið niðri í Vági
Gongutúrur fyri kvinnur, sum hava ella h…
Málið um óljóð frá skipum verður nú loys…
Vit minnast tónleikin
Waag spílar seg út
Føðingardagsheilsan nú Javni fyllir fimm…
KÍ liggur til at taka málmetið frá HB
Stuðul til uppihaldspening fyri fyrra há…
Norðlýsið á gøtuni
Sildavørur við bátabrúgvar­nar leygardagi…
Kristiliga Sangkórið á Norðskála og í Mj…
Vágatunnilin og Norðoya­tunnilin dagførdi…
Kunningarfundur um ADHD
Glaðir áskoðarar við Áir fyri løtu síðan…
KÍ vann 9-0 á Dungasandi í dag
Upptakt: 07 Vestur-KÍ
Atlantic Fair aftur á skrá í 2022