Upptakt: 07 Vestur-KÍ
KÍ skal til Sørvágs, har liðið nærum altíð hevur havt tað torført síðstu 10 árini.
Tað hevur uttan undantak verið torført hjá KÍ í Sørvági, har teir báðir einastu sigrarnir av síðstu 8 dystunum hava verið teprir í jøvnum dystum. Hesaferð er KÍ stórfavorittur móti einum uppflytara, sum í álopsdeyðbóltsstøðum hevur víst seg at vera tað sterkasta liðið í deildini higartil. KÍ er oddalið, meðan 07 Vestur liggur á 8. plássi.
Hjá 07 Vestur er Zoran Vujovic tøkur aftur eftir leikbann. Hjá KÍ hevur venjarin, Mikkjal K. Thomassen, venjarabann og tað merkir, at hann sleppur ikki at stýra liðnum frá síðulinjuni. Hjá KÍ eru skaðar í verjupartinum, har Heini Vatnsdal, Deni Pavlovic og Daniel Bjørkman dragast við skaðar, og tað sama ger Bob Sumareh.
Dysturin í Sørvági byrjar kl. 16.00. Dómari verður Petur Reinert.