Lýsing
Lýsing
Upptakt: KÍ-B36
KÍ má vinna fyri at halda frástøðuna í toppinum, meðan B36 má vinna fyri at koma innaftur í meistarastríðið.
Talan er um týdningarmiklan dyst fyri, hvussu fyrsti triðingurin av kappingini skal hilnast. Skal KÍ varðveita leiðsluna á fimm stig til HB, so má dysturin vinnast. Hjá B36 snýr tað seg um at vinna fyri at koma innaftur í meistarastríðið, tí níggju stig skilja liðini undan dystinum. Hagtølini eru við B36, sum bara hevur tapt 1 av síðstu 7 landskappingardystunum í Klaksvík.
Hjá KÍ eru Bob Sumareh og Deni Pavlovic tøkir aftur, meðan Daniel Bjørkman og Jóannes Bjartalíð eins og seinast ikki vera tøkir. Hjá B36 er Sebastian Pingel ikki tøkur.
Dysturin í Klaksvík byrjar kl. 15.00. Dómari verður Rúni Gaardbo.
Seinastu tíðindini