Herfyri var Áki í Skemmuni, fyriskipari av Atlantic Fair, og heilsaði uppá Karl Johansen, borgarstjóra, har teir fingu møguleika at tosa um framtíðar ætlanir fyri Atlantic Fair og týdningin av at hava eina tílíka, altjóða stevnu í Klaksvík.

Karl Johansen, borgarstjóri, fegnast um, at Klaksvíkar kommuna fær heiðurin at bjóða føroyskum og útlendskum fyritøkum vælkomnum til Klaksvíkar.

-          Tað hevur ómetaliga stóran týdning, at kommunan skapar karmar fyri, at okkara fyritøkur kunnu samstarva og netverka í sínum egna umhvørvið. Tað er hetta samstarvið, sum í famtíðini skal skapa okkara vøkstur á fiskivunnuøkinum, har Klaksvík framhaldandi skal bjóða seg fram sum veitari til maritimu vinnuna.

Tiltakið, Atlantic Fair, hevur ment seg sera nógv ár um ár og vorðin ein áhugaverdur sýnisgluggi á altjóða støði, har bæði føroyskir og útlendskir veitarar sýna fram við tí nýggjasta nýggja.