Lýsing
Lýsing
Gott veður hevur verið seinastu dagarnar - bláur himmal og so nøkur vøkur skýggj eisini. Her síggjast miðalhøg lagskýggj (altocumulus) yvir Klaksvík, og so sæst eisini, at luftin, sum nertir við Kunoynna, kølnar, og mjørkaflókar spyrjast burturúr.
|
Mynd: Hilda Sjúrðardóttir
Veðrið í vikuskiftinum
Luftstreymurin sunnaneftir heldur fram í vikuskiftinum. Hitalagið fer at liggja oman fyri 10 stig, lítið ella einki avfall, men meiri skýggjað loft enn seinastu dagarnar.
Hann fer at liggja av suðuri alt vikuskiftið - og alla næstu viku eisini.
Vindferðin fer at liggja um 5 til 10 m/s í vikuskiftinum - tó eitt sindur meiri eina løtu sunnudagin.
Yvrhøvur turt, men tað vera løtur við avfalli hetta vikuskiftið. Eitt brúgvalag við regni kemur framvið seint seinnapartin leygardagin ella leygarkvøldið. Tá fer at æla kring landið. Nakað eftir midnátt er tað farið eysturum, og so er turt aftur.
Hitin í vikuskiftinum fer at liggja um 10 til 12 stig. Har tað er skýfrítt ella sólglottar fer sjálvandi at vera nakað heitari.
Gott vikuskifti.
Seinastu tíðindini