Fyri løtu síðani tosaðu vit við Eyðólv Vang umborð á Norðsøka á Medlandsrygginum undir Íslandi. Eyðólvur sigur, at teir fóru av Klaksvík um midnáttarleitið leygarkvøldið í farnu viku. Vit hava roynt í tríggjar og ein hálvan dag. Fyrsta dagin fingu vit 12.000 pund, harav um helvtin var toskur. Annan dagin fingu vit góð 13.000 pund, tá var nakað minni enn helvtin toskur. Í dag hevur viðrað stak illa og eg haldi at vit hava eini 5.000 pund í dag, segði Eyðólvur fyri løtu síðani. Enn er ljóst her yviri í kvøld, men veðrið er einki serligt sum eg segði og hartil er veðurmaðurin ikki góður fyri komandi dagarnar. Sum tað sær út fáa vit ikki gott veður fyrr enn mánadagin, segði hann at enda. 5 mans eru við Norðsøka