Lýsing
Lýsing

Mentanarhúsið reist

SKRIVAÐ: Oliver Joensen  |  17.06.2021 - 19:04 Mentan Myndarøð Tíðindi Vinna

Í dag var skipað fyri lítlari samkomu á arbeiðisplássinum, í samband við at Mentanarhúsið í Klaksvík varð reist. Kommunupolittikarar saman við teimum, sum hava starvast við hetta byggiplássið, fingu eina hugnaløtu saman við Klaksvíkar Hornorkeystri og eisini Halli Joensen og hansara tónleikarum. Dávur Winther frá Mentanardeildini í Býráðnum beyð vælkomin, greiddi frá skránni og segði at enda eisini nøkur orð til tey, ið hava arbeitt við hesum tiltakinum.

Jóhanna Christiansen, býráðslimur og forkvinna í Mentanarnevnd Býráðsins flutti fram røðu.

Røða hennara kann lesast her niðanfyri:

Ja, so standa vit her til reisigildi Ikki kann sigast annað, enn at hetta er ein stórur dagur. Nú eru vit enn eitt fet nærri veruleikanum, tá vit um eitt gott ár fara at sita í hesum stásiliga, sermerkta og spennandi húsi.

Líta vit aftureftir, so eru tað bert góðir 15 mánaðir, síðan Adelborg Linklett loysti fyrsta flagið.Tað eru 11 ½ mánaðir, síðan økið bleiv steinsett.

Tað eru 11 mánaðir, síðan grundflatan upp á 300 rúmmetrar ella 720 tons av betongi varð stoypt. Og tað eru bert 10 mánaðir, síðan fyrstu formarnir blivu settir upp. So ikki kann sigast annað enn, at arbeiðið hevur gingið skjótt og væl.

Tað er við eyðmýkt, at eg fari at takka tykkum. Túsund takk fyri tit øll, sum hava gjørt hesa verkætlan til veruleika, so at vit nú eru komin so langt.Takk tit, sum hava sitið í nógv ár og planlagt. Takk til undanfarna býráð, sum tordi at fara í gongd,

til umsiting, nevndir, stýrir, arkitektar, arbeiðstakara og til tykkum fantastisku arbeiðsmenn, sum næstan hava búð á økinum og hava havt tykkara dagligu gongd her síðan byrjað varð.

Hesin bygningur og innihaldið í honum kemur uttan iva at ríka og skapa betri karmar fyri mentanarlívinum her í býnum.Tað er við spenningi, vit fylgja arbeiðinum víðari fram.

Eg eri takksom fyri at sleppa at vera ein partur av hesi stóru verkætlanog fari at takka fyri tað ógvuliga skilagóða handalag, sum øll aftan fyri hesa verkætlan hava víst í verki, og biði eftir, at hetta heldur fram.

Takk fyri

Lýsing
Seinastu tíðindini
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…
Avrikið hevur hægstu raðfesting
Tit eru við til at gera okkara bý fjølbr…
Móttøka í virknis­húsi­num í Mylnugøtu í K…
Arbeitt verður við bústaði til 44 arbeið…
Búnaðarstevnan verður tann 20. november
45 nýggjar leiguíbúðir í Tórshavn
Sjóhiti til Føroya Tele í Klaksvík
Staksdagu­rin verður í Tjørnuvík leygarda…
Sjáldsama fáir skaðar fyrra hálvár
Nú byrjar tilmeldingin til Kvøldskúlan
Skrellibilar standa fullir í skrelli