Arbeiði við nýggja uppisjóvarskipainum hjá P/F Christian í Grótinum  er nú komið so mikið langt, at skrokkurin verður sjósettur í dag. Tað verður gjørt í Gdyna í Pólandi.

Tað er Paweł Porala, ið hevur tikið myndirnar. Christian í Grótinum verður nú sleipaður úr Pólandi til Skagen, har skipið verður gjørt liðugt.

Skipið verður eftir ætlan handað P/F Christian í Grótinum í januar 2022. Byggikostnaðurin verður umleið 300 mkr.

Nýggja skipið, M/S Christian í Grótinum, verður slakar 90 metrar langt og 17 metrar breitt. Skipið hevur 16 RSW tangar, sum tilsamans fara at rúma 3.550 m3. og skipið fer at lasta góð 3.000 tons av niðurkøldum fiski.