Lýsing
Lýsing

Teenstreet – eitt spennandi kristiligt tiltak fyri tannáringar

SKRIVAÐ: Jóhann Lützen  |  06.07.2021 - 11:01 Tíðindaskriv

Aftur í ár verður skipað fyri Teenstreet legu í Føroyum. Flestu føroyingar munnu hava hoyrt um TeenStreet – tvørkirkjuligu altjóða ungdómsleguna, sum er hvørt summar. Tað er trúboðarafelagsskapurin OM, sum skipar fyri TeenStreet, og í ár verður legan hildin fyri 27. ferð. Seinastu árini hava uml. 4000 luttakarar verið á leguni, sum er í eina viku og annaðhvørt ár er í Norðurtýsklandi og annaðhvørt í Suðurtýsklandi. Leguluttakararnir eru úr fleiri enn 30 ymiskum londum – flest úr Europa.

 

Korona

Støðan við korona hevur broytt umstøðurnar hjá Teenstreet. Men fyrireikararnir hava eisini sæð møguleikar í støðuni. Hetta hevur ført við sær, at ístaðin fyri einari stórari Teenstreet legu í Týsklandi, eru nú umleið 50 legur runt um í heiminum. Soleiðis er eisini í summar.

 

Legan meinlík leguni í Týsklandi, men á Argjahamri

Føroyska legan verður í skúlanum á Argjahamri í døgunum 4. – 8. august, og nógv verður lagt fyri so legan kann líkjast vanligu leguni í Týsklandi, sum mest. Talan verður um eina legu, ið meira líkist einum festivali, við alskyns møguleikum fyri leguluttakarunum.

 

Skráin

Skráin verður fjølbroytt. Á skránni vera til dømis konsertir, lovsangur, spæl, framsýningar, renning, undirvísing, andaktir, kappingar. Stórur dentur verður lagdur á kristnu læruna, og Bíblian spælir tí eina sentrala rollu í øllum tiltakinum. Í ár verður evnið bygt upp rundanum Móses, ið leiddi fólk sítt úr Egyptalandi. Gud sendi Móses á eina ferð, sum hann hevði fyrireikað honum. Gud hevur eisini eina ferð til hvønn okkara. 

 

Tilmelding

Enn ber til at melda seg til Teenstreet á teenstreet.fo. Tilmeldingarfreistin er nú leygardagin 10.juli.

 

 

 

Lýsing
Seinastu tíðindini
Afturvend­andi avbjóðingar­nar mugu loysas…
Flogbóltur: U 17 liðini til EM-kapping í…
Myndir frá KÍ - B36
Video: Tá føroyameistaraheitið hjá KÍ bl…
KÍ kvinnur­nar Føroyameistarar 2021
Klaksvík – eitt portur til Evropa
KÍ-kvinnur­nar fáa FM-steypið í dag
Upptakt: KÍ-B36
KÍ vann seinast, men vanliga stendur B36…
Unglingar settu eld á rúsur
Mánakøka (Kina)
HB spælt uttan lógligan venjara – sleppu…
MEGD 40 ár
Vit mugu verja Bústaðir
Stutt Flutt Føroysk Framleiðsla  
Bob Sumareh er toppskjútti í topp 5 dyst…
Veðrið um vikuskiftið
Vit síggjast við Djúpumýru
Norðlýsið á gøtuni
NEMA flytur