Lýsing
Lýsing
Lýsing
Tað kom sum ein skelkur, tá tíðindini bórust um grovan harðskap í Klaksvík stutt fyri mánaðarskiftið. | Mynd: Kringvarp Føroya.

Vandamikið at fara í býin í Klaksvík?

SKRIVAÐ: Jóhann Lützen  |  09.07.2021 - 14:42 Leiðarin Tíðindi

Tað kom sum ein skelkur, tá vit síðst í juni frættu, at ein maður varð vorðin avbukaður í Klaksvík. Ikki tí at onki harðskapsmál hevur verið fyrr, men hetta varð harðskapur av grovum slagi, og eftir nógvum at døma var talan um ómotiverað vold, har fýra ungir menn bukaðu ein eitt sindur eldri mann, ið ikki kendi nakran av teimum fýra, so illa, at sum skilst hevur hann brotið aðra síðuna og fingið aðrar snuddir.

Eftir tí, sum er komið fram í málinum, at døma, hevur onkur av gerningsmonnunum møguliga staðið og tikið illgerðina upp á video við fartelefon, og eru fýra fartelefonir nú konfiskeraðar. Politiið sigur, at er tilburðurin veruliga tikin upp á video, og tað er ein av teimum fýra álopsmonnunum, ið hevur tikið hann upp, so er talan um skerpandi umstøður.

Sum skilst kendi tann avbardi ongan av teimum fýra, ið lupu á seg. Hetta er eyka óhugnaligt, tí tað peikar á, at talan var um ómotiveraðan harðskap. Løgreglan kendi teir tó, og nú eru teir skuldsettir í málinum. Avbardi maðurin hevur verið hjá lækna, og skal aftur til lækna fyri at fáa staðfest skaðarnar, hann fekk undir álopinum. Hetta fyri at tryggja prógvini, ið brúkast skulu í málinum ímóti teimum ákærdu.

Her er neyðugt, at løgreglan slær hart niður. Tað kann ikki vera so, at man skal ganga í ótta á gøtunum í Klaksvík, har man óttast, at brádliga leypa fleiri ungir mans undan einum húsaveggi og buka seg av.

Lýsing
Seinastu tíðindini
1.deild hjá KÍ er best eftir summarsteðg…
1.deild hjá KÍ spælir avgerandi dyst ley…
Seks leikarar vunnu steypakapping­ina fjó…
KÍ vann fyrsta steypið
Mjølnir vann fyrsta dystin
Epli og kjøt av Sandi
Rudda Føroyar
Groundhog day (USA)
Bárður Jákupsson í Gamla Seglhúsinum
Veðrið um vikuskiftið
U17-liðið hjá KÍ spælir steypafinalu í k…
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…