Lýsing
Lýsing

Javnaðarflokkurin vil hava nýggjan almennan lønarstiga

SKRIVAÐ: Javnaðarflokkurin  |  14.07.2021 - 09:54 Politikkur Tíðindaskriv

Tá tingið kemur saman aftur á ólavsøku, fer Javnaðarflokkurin lata løgtinginum uppskot um at heita á Landsstýrið at gera nýggjan almennan lønarstiga, sum tekur útgangsstøði í útbúgving og ábyrgd. Flokkurin metir, at uppskotið er neyðugt um vælferðarsamfelagið skal hava lív lagað í framtíðini.

Tá Tjenestemandsreformen varð innførdur í Danmark í 1969, hevði hetta sína ávirkan á føroysk lønarviðskifti. Í 1969 vórðu fakbólkar, har serliga kvinnur starvaðust, bólkaðir lágt, tí mett varð, at menn vóru uppihaldarar og máttu tí hava hægri løn enn kvinnur. Talan er serliga um fakbólkar, ið starvast innan heilsu- og umsorganarøkið.

 

Síðani 1969 hevur eingin verulig endurskoðan av almenna lønarlagnum verið. Lønir hava meiri ella minni voksið eftir einum førstum lønarkarmi við einstøku frávikum – oftast eftir verkføll. Hetta er ger, at sami ójavni enn er galdandi í dag.

 

Hetta vil Javnaðarflokkurin gera upp við, og heitir tí á landsstýrið um at taka stig til at gera ein nýggjan almennan lønarstiga í tøttum samstarvi við kommunur og fakfeløg.

 

Hetta er ein liður í at framtíðartryggja vælferðarsamfelagið. Í temafrágreiðingini frá undanfarna búskaparráði “Starvsfólk á vælferðarøkinum komandi 10 árini” verður staðfest, at tað koma at mangla 700 starvsfólk á vælferðarøkinum um 10 ár, um verandi støði skal haldast.

 

Sum er, leggjast ov fá starvsfólk afturat heilsu- og umsorganarstørvini. Lága lønin, saman við sannroyndini, at nógv av somu starvsfólkum ofta arbeiða niðursetta tíð, ger, at tað er trupult at fáa endarnar at røkka saman hjá hesum bólkum. Ynskja vit at fáa fleiri at útbúgva seg innan hesi fak, er neyðugt at endurskoða almenna lønarlagið og geva hesum bólkum eitt lønarlyft, so tað samsvarar við útbúgving og ábyrgd.

 

Uppskotið verður lagt fram fyrsta framløgudag eftir ólavsøku, sum verður fyrst í august.

Lýsing
Seinastu tíðindini
Páll A. Klettskarð elskar stóru dystirna…
Afturvend­andi avbjóðingar­nar mugu loysas…
Flogbóltur: U 17 liðini til EM-kapping í…
Myndir frá KÍ - B36
Video: Tá føroyameistaraheitið hjá KÍ bl…
KÍ kvinnur­nar Føroyameistarar 2021
Klaksvík – eitt portur til Evropa
KÍ-kvinnur­nar fáa FM-steypið í dag
Upptakt: KÍ-B36
KÍ vann seinast, men vanliga stendur B36…
Unglingar settu eld á rúsur
Mánakøka (Kina)
HB spælt uttan lógligan venjara – sleppu…
MEGD 40 ár
Vit mugu verja Bústaðir
Stutt Flutt Føroysk Framleiðsla  
Bob Sumareh er toppskjútti í topp 5 dyst…
Veðrið um vikuskiftið
Vit síggjast við Djúpumýru
Norðlýsið á gøtuni