Lýsing
Lýsing

Alternativ til bankarnar krevst

SKRIVAÐ: Tjóðveldi  |  15.07.2021 - 07:36 Politikkur Tíðindaskriv

Tjóðveldi stuðlar fakfeløgunum í at seta á stovn ein alternativan banka. Og Tjóðveldi fer enn einaferð at leggja fram uppskot fyri Løgtingið, sum tryggja løntakaran ímóti gjøldum og negativari rentu frá bankunum.

Tað gerst bara dýrari og dýrari, at vera vanligur kundi í bankunum. Fólk eru við lóg áløgd at fáa sína løn útgoldna í peningastovni, og hetta taka bankarnir seg ríkiliga væl betaltar fyri. 
 
Fólk hava ilt við at trúgva frekleikanum. Nú skal enntá gjaldast eyka fyri pensjónsuppsparing. Ikki ber til at taka sín egna pening út við diskin ella í sjálvtøkum í stórum pørtum av landinum – og tað kostar upp í 50 krónur. Og tað kostar nú eyka at flyta sín egna pening á einum netbanka, sum bankarnir avreiddu til útlendskar spekulantar at tjena uppá.
 
Eisini tí er uppskotið hjá fakfeløgunum um ein øðrvísi banka sera kærkomið.
 
Vit hava tørv á einum øðrum slag av banka í Føroyum, har samfelagsgagn, íløgur í fólkið og einari burðardyggari framtíð viga meira í roknskapi og á botnlinju.
 
Ein banki við samfelagssinni, ið tjenar pengar fyri at vera til, men er ikki til fyri at tjena pengar. Ein fíggingarstovnur, ið kann lúka kapitalkrøv og vera tryggur. Og ikki bert skal lúka krøv um risastór avkast og vera tryggur hjá kapitaleigarunum.
 
Vit hava í hesum valskeiði lagt uppskot fram um at banna negativari rentu á lønarkontu og pensjónsuppsparing. Vit hava lagt uppskot fram um møguleika fyri almenna lønarkontu. Og vit hava lagt uppskot fram um betri fíggingarmøguleikar til hús og bústaðir uttanfyri miðstaðarøkið.
 
Hesi uppskot kunnu øll samantvinnast við uppskotið hjá fakfeløgunum um alternativan banka. Og landið kundi eisini stuðlað og verið partaeigari í einum felags átaki um alternativan banka.
 
Meðan arbeitt verður við hesum, fer Tjóðveldi eftir ólavsøku at leggja fram aftur síni uppskot, sum tryggja:
 
– At mark verður sett fyri, hvørji gjøld bankarnir kunnu krevja á lønarkonto
 
– At lønar- og penjsónskonto verða undantikin negativari rentu
 
– At fíggingarmøguleikar eru til hús og bústaðir uttanfyri miðstaðarøkið.
 

Lýsing
Seinastu tíðindini
Páll A. Klettskarð elskar stóru dystirna…
Afturvend­andi avbjóðingar­nar mugu loysas…
Flogbóltur: U 17 liðini til EM-kapping í…
Myndir frá KÍ - B36
Video: Tá føroyameistaraheitið hjá KÍ bl…
KÍ kvinnur­nar Føroyameistarar 2021
Klaksvík – eitt portur til Evropa
KÍ-kvinnur­nar fáa FM-steypið í dag
Upptakt: KÍ-B36
KÍ vann seinast, men vanliga stendur B36…
Unglingar settu eld á rúsur
Mánakøka (Kina)
HB spælt uttan lógligan venjara – sleppu…
MEGD 40 ár
Vit mugu verja Bústaðir
Stutt Flutt Føroysk Framleiðsla  
Bob Sumareh er toppskjútti í topp 5 dyst…
Veðrið um vikuskiftið
Vit síggjast við Djúpumýru
Norðlýsið á gøtuni