At KÍ ikki kom víðari í Evropakapping fyri fyrstu ferð síðani 2017 sást aftur í inntøkunum frá UEFA.

Fyri feløgini sum ikki vinna føroyameistaraheitið, so hevur tað stóran týdning at koma víðari í Evropakappingunum. Tað hevur KÍ megnað árini 2018-2020. Men í 2021 megnaði KÍ ikki at spæla seg víðari og tað sást aftur í inntøkunum. 2021 fer bara at geva KÍ eina inntøku á 1,8 mió frá UEFA. Tá kann leggjast afturat, at krøv eru til feløgini um at hava leiguflogfar til útidystin vegna koronustøðuna og bara flogútreiðslan kostaði sum skilst yvir 400.000 kr. Í fjør gav UEFA stuðul til leiguflogfar, men tað gevur UEFA ikki í ár. 

Tá vit hyggja eftir inntøkunum, so síggja vit, hvussu stórur munur er á at luttaka í Champions League (2020) og so í hinum kappingunum, tá man ikki kemur víðari. Fyri ein meistara er minsta inntøkan 6 milliónir, meðan minsta inntøkan fyri hini er áleið 1,8 mió. 

UEFA-inntøkur hjá KÍ síðani KÍ byrjaði at spæla regluliga í UEFA-kappingum á hesum sinni í 2017:

2021: 1,8 mió

2020: 11,1 mió

2019: 5,4 mió

2018: 3,5 mió

2017: 1,6 mió