Lýsing
Lýsing
Lýsing

Pomek reisigildi

SKRIVAÐ: Tekstur og myndir: Dávur Winther  |  30.09.2021 - 17:01 Tíðindi Vinna

Sp/F Pomek, sum er ein maskinsmiða, uttast á vestara havnarlagi við 25 starvsfólkum, veitir tænastur til størri og smærri kundar, bátar, skip og virki.

Teir hava bygt afturat og voksið um bygningin við eini høgari høll, setta oman og niðan, so til ber at lyfta størri bátar inn.

Høllin, sum nú er reist í dag, er 13 metur høg, 34 metur long og vendir oman og niðan. Ein lyfta verður inni 11 x 18 metur og lyftir 200 tons, sigur Frithleif Olsen, stjóri.

Eftirspurningurin eins og bátarnir eru tó broytt seinnu árini til tað størra. Tí varð fyri tíð síðan tikið upp samband við býráðið um at fáa havnarlagið niðanfyri bygningin longt, samstundis sum loyvið var biðið um at byggja ein størri og hægri bygning í norðasta parti av verandi bygningi, so her kundi byggjast ein meira tíðarhóskandi høll.

Tað er Sp/f Byggiverkfrøði við Fróði Klein Sundsskarð, sum hevur projektarað og teknað, meðan Sp/f Norðhús stendur fyri um- og afturatbyggingini.

Tað eru Birgir Olsen, á Sp/f Pomek, sum saman við Fróði Klein Sundsskarð á Sp/f Byggiverkfrøði, hava projekterað bygningin, lyftuna og staðið fyri tí teknisku útgerðina til verkætlanina. Sp/f Rókin ger bryggjukant og siglingarrennuna til lyftuna.

Sandavágs Timburhandil er veitari av høllini, Sp/f Norðhús ger planeringsarbeiðið, fundamentir og setur høllina upp. El-fyritøkan Sp/f Fremja kemur ætlandi, at standa fyri el-arbeiðnum. Sp/f Mallco verður veitari av stóru og minnu hurðunum til bygningin, sigur Frithleif Olsen at enda.

Samanumtikið ein spennandi verkætlan, sum kemur at bøta munandi um hjá Sp/f Pomek, ið kann veita eina enn betri tænastu eftir um- og afturatbyggingina.

Lýsing
Seinastu tíðindini
Búnaðargrunnu­rin hevði avlop í 2023 og…
Laksur er Føroya olja
Pýramidan skal vendast
Ólavur er nú EB/­Streymari
Hamradun á Summar Festivalin
Skyn Cup 24 í Gundadali
10 spurningum (og svar) um kristnu trúnn…
EM-Skotið: Portugal kemur langt
Nógv drift á Djúpumýru
BEINLEIĐIS - EM studio í Betri Banka
Suðuroyar Sparikassi stuðlar flogbóltinu…
Klassisk heimspremiera í Varpinum
Norðoya­tunnilin stongdur
Kokkahjálpari fingið prógv á TSK
Elduvíkarvegurin
Økistónar fara av bakkastokki
Nýggjur samskipari settur á Báta- og lis…
Dagtilhaldið Sóljan eitt virkið tilboð
Vøllurin verður skiftur
Tá útróðrarmenn løgdu landið lamið