Á Benidorm Palace Show við Sólorku
Tað hendir nógv her í Albir á Sólorkuhotellinum Albir Garden Resort. Á vaglinum seinnapartin í gjár, tosaði stjórin á Sólorku við umboð fyri Sambýlið undir Gráasteini. Hetta er sambýli fyri autistar. Teir tríggir leiðararnir, ið eru her saman við 5 borgarum frá stovninum eru Jan Müller, Sæbjørn Johannesen og Jákup Johannesen.
Eg haldi at nógvu áhoyrararnir sum vóru møttir, eins og eg sótu sum á nálum, tá vit fingu eitt lítið innlit í arbeiðið á stovninum. Sum skilst so hevur manningin á stovninum gingið nýggjar og slóðbrótandi leiðir. Sum skilst, so er arbeiðisumhvørvið gott á stovninum. At starvsfólkið, sum hevur verið styst av teim 6 í føstum starvi, hevur arbeitt har í 21 ár.
Benidorm Palace Show var ein sera hugnalig uppliving. Hetta var eitt show, ið skipað var við einum galladøgurða. Á stóra og sera vakra pallinum var framúr upptraðkan við dansi av leikarum í glæsiligum búnum, eisini var upptraðkan av fimleikarum, einari kvinnu, íð teknaði á ljósborð við sandi og annað. Stórt orkestur spældi undir og afturat tí var sera litríkt ljósshow. Vit, sum høvdu keypt atgontumerki, fingu eina borðreiðing við trimum rættum. Fyrst við grønmeti, síðani súpan og til seinast ein stóran og góðan oksabúff og desert. Afturat tí, vín og shampagnu.
Kvøldið byrjaði klokkan umleið 21.00 og var liðugt um 00.30 tíðina.
Kvøldið fyri vóru tey bæði, Beddi, gittarsnillingurin hjá Hallur Joensen og kona Beddi Sigrid rópt upp á pallin at dansa til brúðarvalsin, tí hetta var 33. brúdleypsdagur teirra. - Jú sanniliga hugna vit okkum her.