Lýsing
Lýsing
Lýsing

1 ár síðani Hiddenfjord gavst at flúgva laks: CO2-útlátið minkað 94%

SKRIVAÐ: Tíðindaskriv  |  11.10.2021 - 08:37 Myndarøð Tíðindaskriv Vinna

Fyri einum ári síðani gavst Hiddenfjord við øllum loftvegis flutningi av laksi út á altjóða marknaðin. Úrslitið er, at CO2-útlatíð fyri langvegis flutning er minkað við heili 94%, sum svarar til umleið 40.000 tons av CO2 eindum.

Hiddenfjord er fyrsti laksaalari í heiminum, sum er givin at flúgva laks.
 
“Vit hava eina skyldu at framleiða besta laksin í heiminum á ein so burðardyggan hátt sum gjørligt,” sigur Atli Gregersen, stjóri í Hiddenfjord. “Flúgving av mati viðførir púra óneyðugt CO2-útlát.”
 
Ein stórur partur av aldum laksi verður fluttur flogvegis. Útlát frá flogfrakt er ein týðandi partur av samlaða CO2-útlátinum í heiminum. Ein kanning, sum norska kanningarstovan SINTEF gjørdi í 2020, vísur, at flogfrakt elvir til umleið fimmti ferðir meira CO2 samanborið við frakt, ið verður flutt sjóvegis.
 
At flyta laks sjóvegis og samstundis varðveita góðskuna á laksinum hevur ikki verið ein løtt uppgáva. Hetta hevur kravt nógvar royndir, nýhugsandi loysnir og eina serliga tøkuskipan, ið tryggjar, at góðskan á laksinum er í hásæti.
 
“Í fyrstani hildu keyparar uttanlands at vit vóru ør at taka eina slíka avgerð,” sigur Óli Hansen, sølustjóri í Hiddenfjord. “Men við tíðini hava vit prógvað, millum annað við smakkiroyndum, ið ein óheft kanningarstova hevur gjørt, at okkara laksur, ið verður fluttur sjóvegis, er minst líka góður sum laksur, sum verður flogin, og harumframt heldur hann sær longri.”
 
Niðanfyri sæst ein filmur, ið er framleiddur í sambandi við dagin, har Hiddenfjord eggjar øðrum í matvøruvinnuni at taka stig til at minka um síni CO2-útlát. 

Leinkja til filmin:
 
https://vimeo.com/623430126

Lýsing
Seinastu tíðindini
Ein fantastiskur leikari og eitt enn bet…
Gaston gjørt sáttmála til og við 2027
Hanna: Hóast broytingar skal Fleyr vinna…
Norebo JSC: Føroyskir politikarar vilja…
Ársmøti hjá Kirkjuliga Missións­felagnum
Epli og gularøtur av Sandi
Epli og gularøtur av Sandi
Stórt steypavikuskifti á skránni
Innbjóðing til fyrrver­andi fosturforeldu…
Meirathon – eitt øðrvísi og atkomuvinali…
Løgmaður sent Jonas Gahr Støre lukkuynsk…
Trupulleikar við óneyvum og loyniligum s…
Full semja í Løgtingi­num at gera Eirarga…
Hvar kunnu vit kæra grønvasking?
Tøkan av laksi 100.000 tons
Tøkk – Elsba Olsen
Burn Fitness høvuðsstuðul fyri inniróður…
Tað er mega gott á Klaksvíkar Sjúkra­húsi
Norebo: Onki hald í skuldsetingu­num móti…
Hjarnar eykakonsert leygar­dagin 8. novem…