Um middagsleiti ígjár kom fráboðan á vaktsentralin, at ein maður var dottin í fjøllunum norðanfyri. Sambært Vørn er maðurin dottin við Katlarnar omanfyri Árnafjørð. Hetta er tó ikki rætt. Maðurin er dottin av Snæfelli oman móti Sev-verkinum norðuri á Strond. Maðurin fekk givið boð frá sær. 

Tyrla hjá Atlantic Helicopters varð send á staðið og flutti mannin á Landssjúkrahúsið. Vakthavandi á løgreglustøðini visti ikki at siga um heilsstøðuna hjá manninum. 

Tey sum luttóku í leitingini og bjargingini vóru: Sjúkraflutningstænastan, MRCC Tórshavn, Atlantic Helicopters, Sløkkiliðið í Klaksvík, Norðoya Bjargingarfelag og Løgreglan.