Lýsing
Lýsing
Føroya Arena við pengum úr Danmark

Danmark rindar 30 milliónir til høll í Hoyvík

SKRIVAÐ: Jóhann Lützen  |  06.12.2021 - 12:40 Ítrottur Tíðindi

Føroysku fólkatingslimirnir hava arbeitt fyri, at stórhøllin, sum er í umbúna at byggja í Hoyvík, skal fáa játtan á donsku fíggjarlógini, og tað hevur hon nú fingið. Umframt hetta rindar Danmark 2 milliónir til sjósavn og mentanarhús í Miðvági, og 3 milliónir til eitt samtarv millum ung í ríkisfelagsskapinum.

35 milliónir til verkætlanir í Føroyum. So mikið hava Edmund Joensen og Sjúrður Skaale fingið til vega á donsku fíggjarlógini. Hetta er heldur ikki fyrstu ferð, at teir hava útvegað pengar úr statskassanum til føroyskar verkætlanir.

Hetta kemur sum vera man á eitt turt stað, tí annars er bert helmingurin av pengunum til stórhøll útvegaður. Tórshavnar Kommuna rindar 109 milliónir, og so er ætlanin, at onnur skulu gjalda hinar 109 milliónirnar. Tilsamans kostar høllin 217 milliónir. Við hesi játtanini á donsku fíggjarlógini eru 139 milliónir útvegaðar, og sostatt íresta “bara” 78 milliónir.

Danir leggja tó dent á, at um tær 78 milliónirnar ikki verða útvegaðar, so fella tær 30 milliónirnar aftur til danska statin. Játtanin er leypandi 2022-2025. Tað eru Niels Mortensen og Tummas Justinussen, ið hava til uppgávu at fáa til vega írestandi 78 milliónirnar.

Lýsing
Seinastu tíðindini
Føroya Handverksmeistara­felag : Hvør er…
Er demokratiski radarin sløktur í Tingan…
Unn Sørinardóttir Perdomo tekniskur leið…
Norðoya kvinnu­felag aðalfund
Norđoya Bátafelag opiđ hús
Silly-season (fótbóltsslatur)
MYNDIR: Hesi vunnu á Norðfrá-open 2022
Afturber­ingar­skipan til smærri fyritøkur
ÚSSM útbúging fyri skrivstovu­fólk, samsk…
Føroya fólkahá­skúli komin at vitja
Umstríddi reiðarin, Henning Kjeldsen, ve…
Armenia er tema á Holocaust­deg­num í ár
Neyvan nakað 10-mannafar úr høvuðsstaðnu…
B36 fingið nýggjan verjuleikara
Mentan­arvikan í Runavíkar kommunu
Asfalts­arbeiði hesa vikuna
Daniel Agger hevur keypt Trenskow úr NSÍ
Kringvarp Føroya sýnir TROM
Myndir og video: Seiðatorva í Hvannasund…
Hoyrdist av Kambsdali til Hvannasund