Lýsing
Lýsing

Gladiatorarnir í Klaksvík

SKRIVAÐ: Jóhann Lützen  |  14.01.2022 - 16:01 Ítrottur Myndarøð Tíðindi

Komandi mánakvøld, 17. januar klokkan 19.55 "Prime Time", vísur Kringvarp Føroya ein nýskapandi løtufilm: 10-mannaførini 2021

Tíggjumannafarið Klaksvíkingur vann, sum einasti bátur, allar róðrarnar í fjør. Komandi mánakvøld, 17. januar klokkan 19.55 "Prime Time", vísur Kringvarp Føroya ein nýskapandi løtufilm: 10-mannaførini 2021. Filmurin er trýbýttur - Klaksvíkingur, Havnarbáturin og Ormurin Langi - og rógvarar fortelja sínar søgu. Hjálmar Hátún og Magnus Norðberg fortelja um tjóðarítrott føroyinga. 


Síðan fortelja teir ungu umborð á Havnarbátin um avbjóðingar at manna bátin. At enda fortelja tríggir umborð á Orminum Langa teirra søgur við virðing. Ein teirra er klaksvíkingurin Kristian Linklett Mortansson, sum eisini áður hevur róð við Klaksvíkingi. 


Dugnaliga stýrikvinnan umborð á Klaksvíkingi, Ella Jógvansdóttir, tekur stóra ábyrgd á seg. Hon hoyrist telja hart meðan teir allir seta á við tamarhaldi á áralagnum. Hon hevur skil á venjing og peppar teir við neyvleika og smáum mennandi setningum. Eisini síggja vit ein pøstan Benjamin E. Sigursson liggja við bryggjukantin á Norðoyastevnu aftaná at teir spakuliga tóku Ormin Langa aftur, og í endaspurtinum yvirhálaðu kongarnar, sum hava verið meistarar í trý ár á rað.


Startskotið til filmin. Tvey samdøgur eftir gullið á Varmakeldu í fjør, spurdi stigtakarin til filmin venjarin og rógvaran Magnus Norðberg um sleppa at seta upp tvey GoPro kamera umborð á Klaksvíking, hetta sum eitt hugskot til ein dokumentarfilm. Magnus játtaði, og sostatt var tað startskotið til filmin “10-mannaførini 2021”, sum menti seg til ein ítrottardokument á næstan 26 minuttir. Hettar er fyrsti filmur hjá Edmundi S. Jacobsen, sum viðmerkir at hettar er besta umrøðuevni sum var at finna. Kringvarp Føroya sendir filmin komandi mánakvøld kl. 19.55, endursendur eisini filmin og setir síðan í KVF savnið. Myndir: ESJ.

Lýsing
Seinastu tíðindini
Skótalið Nólsoyar Palls savna flest peng…
Føroya Handverksmeistara­felag : Hvør er…
Er demokratiski radarin sløktur í Tingan…
Unn Sørinardóttir Perdomo tekniskur leið…
Norðoya kvinnu­felag aðalfund
Norđoya Bátafelag opiđ hús
Silly-season (fótbóltsslatur)
MYNDIR: Hesi vunnu á Norðfrá-open 2022
Afturber­ingar­skipan til smærri fyritøkur
ÚSSM útbúging fyri skrivstovu­fólk, samsk…
Føroya fólkahá­skúli komin at vitja
Umstríddi reiðarin, Henning Kjeldsen, ve…
Armenia er tema á Holocaust­deg­num í ár
Neyvan nakað 10-mannafar úr høvuðsstaðnu…
B36 fingið nýggjan verjuleikara
Mentan­arvikan í Runavíkar kommunu
Asfalts­arbeiði hesa vikuna
Daniel Agger hevur keypt Trenskow úr NSÍ
Kringvarp Føroya sýnir TROM
Myndir og video: Seiðatorva í Hvannasund…