Lýsing
Lýsing
Lýsing
At skriva út mongu gulu koppsetingarkortini var ein av nógvu eykauppgávunum, Klaksvíkar Sjúkrahús fekk í 2021. | Mynd: Klaksvíkar Sjúkrahús.

Klaksvíkar Sjúkrahús: 2021 eitt tað strævnasta árið nakrantíð

SKRIVAÐ: Jóhann Lützen  |  11.05.2022 - 20:13 Tíðindi

Í ársfrágreiðingini hjá Klaksvíkar Sjúkrahúsi, sum júst er komin, verður árið 2021 sagt at vera eitt tað strævnasta nakrantíð. Tey høvdu sett nøsina upp eftir at fáa ein meira vanligan gerandisdag, men í staðin øktist trýstið. Klaksvíkar Sjúkrahús megnaði at handfara trýstið, men tað var hart og merkt av nógvum yvirarbeiði.

Stjórin á Klaksvíkar Sjúkrahúsi sigur í ársfrágreiðingini, at “Tað serstaka við byrjanini til 2021 var, at øll væntaðu, at Covid-19 var við at vera liðugt. Vit gleddu okkum til ein meira kendan ella vanligan gerandisdag aftur. Men tær væntanirnar vóru ov tíðliga úti. Alt árið varð merkt av Covid-19, næstan meir enn í 2020. Nú vistu vit tó, hvat vit høvdu við at gera, so tað var ikki eins trilvandi.”

Tilburðirnir av Covid-19 øktust og í fleiri variantum, og heilir skúlaflokkar og barnagarðsstovur blivu send heim bæði vegna sóttarhald og við smittuni. Foreldrini máttu ofta við heim, so tað stóð á at finna starvsfólk til tíðir. 2021 var eisini árið við teimum túsundtals koppsetingunum, og tað gav eina nógv økta arbeiðsbyrðu fyri lítla sjúkrahúsið. Tey høvdu væntað og vónað, at færri potingar skuldu gerast, av tí at fleiri og fleiri fólk vórðu koppsett, men so varð ikki. Onkran dagin vórðu yvir túsund potingar, sendur í ársfrásøgnini.

Alt hetta kom umframt tí vanliga virkseminum hjá sjúkrahúsinum. Men út frá Ársfrásøgnini at døma, hevur Klaksvíkar Sjúkrahús dugað ómetaliga væl at stýrt fíggjarliga. Meirnýtslan við árslok í 2021 var einans kr. 376.430 í mun til givna játtan.

Øll ársfrásøgnin sæst við at klikkja her:

Ársfrásøgnin hjá Klaksvíkar Sjúkrahúsi fyri 2021

 

Lýsing
Seinastu tíðindini
Nakrir vinnarar frá í dag
Miðnáttarrøðan - Pál Weihe
Løtumyndir frá Norð­oyastevnuni
Jóhanna setti Norð­oyastevnuna
Norð­oyastevnan 2022 sett
Føroyski báturin á UNESCO listan yvir si…
Lands­stevna sløkkiliðsmanna í Klaksvík
Nordhavns Regatta 2022
Barna­róðu­rin á norð­oyastevnu er avlýstur
KÍ skorar kassan uppá lands­dystir­nar kom…
Drúgv skrá við kappróðri í dag
KANNING: Hvat lið vónar tú KÍ møtir í Ch…
Konsert við Crescendo í Christians­kirkju…
Myndarøð: KÍ í lands­liðssteðg við sera g…
Sjúrðarberg siglir heim
Søguhugni á Klaksvíkar Bókasavni
Crescendo á Kósini
Tá hvør smáblóma tárar av gleði – Huglei…
Beistagerðin 2022
Hækkandi inflasjón tyngir brekøkið serli…